Ūlytau oblysynda «Qūndylyqqa negızdelgen bılım: sapa, sabaqtastyq jäne jaŋa mümkındıkter» taqyrybynda dästürlı oblystyq tamyz pedagogter keŋesı öttı.
Is-şaraǧa Qazaqstan Respublikasynyŋ oqu-aǧartu vise-ministrı Jaiyq Şarabasov qatysty.
Keŋes barysynda Ūlytau oblysynyŋ äkımı Eset Baiken bılım beru salasyna körsetıletın memlekettık qoldaudyŋ jyl saiyn artyp kele jatqanyn atap ötıp, öŋırde bılım beru infraqūrylymyn damytu jäne jaŋǧyrtu baǧytynda jüzege asyrylyp jatqan jobalardyŋ maŋyzdylyǧyna toqtaldy.
«Öŋırımız üşın maŋyzdy oqiǧalardyŋ bırı – «Qazaqmys» korporasiiasynyŋ qoldauymen «Ūlytau» tehnikalyq universitetınıŋ aşyluy.
Sonymen qatar oquşy oryndarynyŋ tapşylyǧyn azaitu maqsatynda biyl Jezqazǧan qalasynda 1 000 oryndyq BINOM mektebınıŋ, sondai-aq ūldar men qyzdarǧa arnalǧan ärqaisysy 400 orynǧa eseptelgen, internattary men jataqhanalary bar «Bılım-innovasiia» liseilerınıŋ qūrylysy bastalady.
Bılım beru infraqūrylymyn jaqsartu maqsatynda Sätbaev qalasynda, Jaŋaarqa jäne Ūlytau audandarynda eskı mektepter kezeŋ-kezeŋımen jaŋǧyrtudan ötedı», – dedı öŋır basşysy.
Tamyz keŋesı aiasynda pedagogter bılım beru salasyndaǧy jaŋa bastamalar men oŋ özgerıster, pilottyq jobalar, sondai-aq bılım beru üderısınde jasandy intellektını tiımdı paidalanu mümkındıkterı turaly baiandamalar jasady.
Jiynda pedagogterdıŋ eŋbegıne erekşe nazar audaryldy. Öskeleŋ ūrpaqqa bılım beru men tärbie ısıne eleulı üles qosqan ūstazdar memlekettık jäne vedomstvolyq nagradalarmen marapattaldy.
Atap aitqanda, pedagogterge «Eŋbek ardagerı» jäne «Ybyrai Altynsarin» medaldary, «Bılım beru ısınıŋ qūrmettı qyzmetkerı» tösbelgısı, Qazaqstan Respublikasy Oqu-aǧartu ministrlıgınıŋ Qūrmet gramotalary men Alǧys hattary, sondai-aq «Qosymşa bılım berudıŋ üzdıgı» Qūrmet diplomy tabystaldy.
