Memleket basşysy Qasym-Jomart Toqaev körnektı aqyn, Qazaqstannyŋ halyq jazuşysy Marfuǧa Aithojany 90 jasqa tolǧan mereitoiymen qūttyqtady, dep habarlaidy "Adyrna" tılşısı.
Būl turaly mädeniet jäne aqparat ministrı Aida Balaeva äleumettık jelıdegı paraqşasynda jazdy.
Memleket basşysy Marfuǧa Aithojanyŋ şyǧarmaşylyǧynda qazaq dalasy, el tarihy, halyqtyŋ yntymaǧy men salt-dästürı keŋınen körınıs tapqanyn aitty.
«Qazaqtyŋ darhan dalasy men tamyry tereŋ tarihyn, ūltymyzdyŋ yntymaq-bırlıgı men salt-dästürın örşıl de syrşyl öleŋderıŋızge arqau ettıŋız. Oqyrman qauym jyrlaryŋyzdy süisınıp oqidy jäne özıŋızdı «Qazaqtyŋ jyr Aqquy» dep ardaqtaidy», – delıngen qūttyqtauda.
Prezident aqynǧa zor densaulyq, ūzaq ǧūmyr tılep, aldaǧy uaqytta da önegelı ömırımen öskeleŋ ūrpaqqa ülgı bolyp, el-jūrttyŋ qūrmetıne bölene beruıne tılektestık bıldırdı.
