Foto:dimashnews
10–11 şılde künderı Şyǧys Qazaqstan oblysynyŋ Katonqaraǧai audanynda «Altai – türkı älemınıŋ altyn besıgı» atty halyqaralyq muzykalyq festival ūiymdastyryluda. Auqymdy mädeni şaraǧa Qazaqstanmen qatar Qyrǧyzstan, Özbekstan, Moŋǧoliia, Majarstan, Resei jäne Türkiiadan kelgen öner ūjymdary men oryndauşylar qatysuda.
Festival aiasynda Qazaqstannyŋ Halyq ärtısı Dimaş Qūdaibergen Öskemen qalasyna keldı. Änşı 11 şılde künı ötetın gala-konsertte arnaiy konserttık baǧdarlamasyn ūsynbaq.
Merekelık şaranyŋ alǧaşqy künı Berel auylyndaǧy Patşalar aŋǧarynda ornalasqan «Patşalar jazyǧy» tarihi-mädeni keşenınde bastaldy. Qonaqtardy oblystyq filarmoniianyŋ şyǧarmaşylyq ūjymdary qarsy alyp, «Tör Altai Aqtanyn jyrlaidy» respublikalyq jyr festivalı men aqyn Aqtan Nūrbaevtyŋ ruhyna arnalǧan ädebi-mädeni keş öttı.
11 şıldede festival baǧdarlamasy odan ärı jalǧasady. Qonaqtar Altai halyqtarynyŋ salt-dästürı men mädenietın tanystyratyn «Altay Fest-2026» etnoauylyn tamaşalai alady. Sonymen qatar, elımızdıŋ 12 tanymal aqyny qatysatyn «Aqtanymyn Altaidyŋ» respublikalyq aitysy ūiymdastyrylady.
Festivaldıŋ qorytyndy keşı Katonqaraǧaidaǧy ippodromda ötedı. Gala-konsertte Qazaqstan men şetelden kelgen önerpazdar sahnaǧa şyǧyp, al keştıŋ basty hedlainerı Dimaş Qūdaibergen körermenge arnaiy konserttık baǧdarlamasyn ūsynady.
