Qostanai qalasynda avtobus pen Toyota Alphard kölıgınıŋ qatysuymen jol-kölık oqiǧasy boldy, dep habarlaidy "Adyrna" ūlttyq portaly.
Jol apaty Nazarbaev jäne Promyşlennaia köşelerınıŋ qiylysynda bolǧan. Polisiia mälımetınşe, jol apatyna bailanysty sotqa deiıngı tergeu bastaldy.
Aldyn ala aqparat boiynşa, avtobus jürgızuşısı kerı būrylu manevrın jasau kezınde Toyota Alphard kölıgıne jol bermegen. Sonyŋ saldarynan ekı kölık soqtyǧysqan.
«Jol-kölık oqiǧasy saldarynan ekı jürgızuşı de medisinalyq mekemege jetkızılıp, qajettı kömek körsetıldı. Apat kezınde kölıkterde jolauşylar bolmaǧan», – delıngen habarlamada.
Qazır polisiia qyzmetkerlerı oqiǧanyŋ barlyq män-jaiyn anyqtap, qajettı tergeu äreketterın jürgızıp jatyr.
Ūqsas jaŋalyqtar
