Mäjılıs «Qazaqstan Respublikasynyŋ memlekettık nagradalary turaly» zaŋǧa tüzetulerdı qabyldady, dep habarlaidy «Adyrna» tılşısı.
Zaŋ aiasynda «AL-FARABI», «QOJA AHMET YASAUI» jäne «Meiırım» ordenderın taǧaiyndau, sondai-aq ordendermen jäne medaldarmen marapattau tärtıbın özgertu jönındegı normalar qarastyrylǧan.
«Meiırım» ordenı mesenattyq jäne filantropiialyq qyzmetı, sondai-aq qaiyrymdylyq salasyna qosqan eleulı ülesı üşın tabystalady. «QOJA AHMET YASAUI» tanymal qazaqstandyq jäne şeteldık ǧalymdarǧa, memleket jäne qoǧam qairatkerlerıne berılse, «AL-FARABI» ordenı bılım men ǧylym, mädeniet jäne ruhani ömır salalarynda jetıstıkke jetken azamattarǧa arnalǧan.
Zaŋ jobasy endı Senattyŋ qarauyna jıberıldı.
Nauryz aiynda prezident Qasym-Jomart Toqaev jaqyn uaqytta «QOJA AHMET YASAUI» ordenın memlekettık nagradalar tızımıne engızu turaly jarlyqqa qol qoiatynyn mälımdegen bolatyn. Al säuırde memleket basşysy «AL-FARABI» ordenın taǧaiyndaudy da ūsynǧan.
Aita keteiık, ordender alǧaş ret biyl Respublika künı qarsaŋynda tabystalmaq.
