Foto: ASTRA
4 mamyrǧa qaraǧan tünı Mäskeudıŋ batys bölıgınde, Mosfilm köşesı audanynda dron tūrǧyn üige soǧylǧany turaly aqparat tarady. Būl jönınde qala merı Sergei Sobianin mälımdedı, dep habarlaidy “Adyrna”.
Onyŋ aituynşa, aldyn ala derekterge säikes, ūşqyşsyz ūşu apparaty tūrǧyn üi ǧimaratyna kelıp tüsken. «Zardap şekkender joq. Qyzmetter oqiǧa ornynda jūmys ıstep jatyr», – dedı ol Telegram arnasynda. Qosymşa mälımetter äzırge jariialanǧan joq.
Oqiǧadan keiın bırneşe Telegram arnalarynda («Ostorojno, Moskva», Shot, Mash, Baza) Mosfilm köşesı boiyndaǧy tūrǧyn üi maŋynda jarylys dybysy estılgenı habarlandy. Olar zaqym kelgen ǧimarattyŋ suretterın de taratqan.
Shot deregıne säikes, oqiǧa Ramenki audanyndaǧy elitalyq tūrǧyn üi keşenı aumaǧynda bolǧan. Al Astra arnasy zaqymdanǧan nysannyŋ naqty mekenjaiy Mosfilm köşesı ekenın jazdy.
Kuägerlerdıŋ aituynşa, tūrǧyn üidıŋ qasbetı zaqymdanyp, bırneşe päterdıŋ terezelerı synǧan. Qūrylys qaldyqtary aula aumaǧyna qūlaǧan. Oqiǧadan keiın üi maŋyndaǧy kölık qozǧalysy şektelıp, aumaq qorşauǧa alynǧan.
Sonymen qatar Sergei Sobianin Mäskeuge baǧyt alǧan taǧy ekı dronnyŋ äue şabuylyna qarsy qorǧanys jüielerı arqyly joiylǧanyn habarlady.
