Qazaqstan aumaǧynda 700-den astam būlaq bary anyqtaldy. Būl turaly Su resurstary jäne irrigasiia ministrlıgı mälımdedı, dep habarlaidy «Adyrna» tılşısı.
Ministrlık mälımetınşe, "Qazgidrogeologiia" ūlttyq gidrogeologiialyq qyzmetı el aumaǧyndaǧy barlyq būlaqty tügendeu jūmystaryn jürgızıp jatyr. Aldyn ala derekterge säikes, bügıngı taŋda 711 äleuettı būlaq anyqtalǧan.
Sonymen qatar qor jäne arhiv materialdary negızınde el aumaǧyndaǧy 2772 būlaqtyŋ kartasy jasaqtalǧan. Mamandar būlaqtardy su resurstary tapşylyǧy jaǧdaiynda sumen qamtudyŋ qosymşa közı retınde qarastyryp otyr.
Qazırgı uaqytta Qazaqstanda auyzsu jäne tehnikalyq sumen jabdyqtau, suaru jäne özge de maqsattarǧa arnalǧan jerasty suynyŋ 4 803 ken orny barlanǧan. Memlekettık balans boiynşa täulıgıne 43,2 mln tekşe metr kölemındegı paidalanu qory tırkelgen. Onyŋ ışınde qazırgı taŋda şamamen 1,5 mln tekşe metr nemese 3,6% ǧana paidalanylyp otyr. Atap aitqanda, şaruaşylyq-auyzsuǧa arnalǧan qor täulıgıne 21,2 mln tekşe metr. Öndırıstık-tehnikalyq qajettılıkterge arnalǧan qor täulıgıne 2,4 mln tekşe metr, al suaru maqsatynda täulıgıne 19,6 mln tekşe metr qarastyrylǧan.
«Qazaqstanda jerasty suyna arnalǧan memlekettık monitoring jelısı jūmys ısteidı, oǧan şamamen 4 myŋǧa juyq baqylau ūŋǧymasy kıredı. Olar su deŋgeiın, temperaturasyn jäne sapasyn baqylauǧa mümkındık beredı. Gidrogeologiia salasyn sifrlandyru maqsatynda monitoringtık jäne paidalanu ūŋǧymalaryn Su resurstarynyŋ ūlttyq aqparattyq jüiesıne engızu jūmystary jürgızılıp jatyr»,- dep tüsındırdı "Qazgidrogeologiia" ūlttyq gidrogeologiialyq qyzmetınıŋ basqarma töraǧasy Bolat Bekniiaz.
