Arab memleketterı ligasy AQŞ-tyŋ İzraildegı elşısı Maik Hakabidıŋ İzraildıŋ ıs jüzınde Taiau Şyǧystyŋ basym bölıgıne qūqyǧy bar degen mälımdemesın qataŋ aiyptady. Bırlesken mälımdeme 22 aqpanǧa qaraǧan tünı Saud Arabiiasy SIM-nıŋ X äleumettık jelısındegı paraqşasynda jariialandy, dep habarlaidy «Adyrna» tılşısı.
Qūjat avtorlary elşınıŋ mälımdemelerıne bailanysty özderınıŋ tereŋ alaŋdauşylyǧyn bıldırdı.
«Ol öz sözınde İzrail üşın arab memleketterıne tiesılı aumaqtardy, sonyŋ ışınde okkupasiialanǧan Batys jaǧalaudy baqylauda ūstau qolaily bolar edı degen işara jasaǧan», – dep atap öttı avtorlar.
Mälımdemenı Egipet SIM, İordaniia SIM, BAÄ SIM, İndoneziia SIM, Päkıstan SIM, Türkiia SIM, Katar SIM, Kuveit SIM, Oman SIM, Bahrein SIM, Livan SIM, Siriia SIM jäne Palestina ūlttyq äkımşılıgı qoldaǧan.
BAÄ SIM mälımdeuınşe, bırlesken ündeuge qol qoiǧan elder mūndai «qauıptı ärı arandatuşylyq sipattaǧy» mälımdemelerdı üzıldı-kesıldı qabyldamaitynyn rastady. Olar būl sözder halyqaralyq qūqyq qaǧidattary men Bırıkken Ūlttar Ūiymy Jarǧysyn öreskel būzu bolyp sanalatynyn jäne öŋırdıŋ qauıpsızdıgı men tūraqtylyǧyna eleulı qater töndıretının atap öttı.
Arab jäne islam elderınıŋ syrtqy ıster ministrlıkterı İzraildıŋ okkupasiialanǧan palestin aumaǧy men basqa da okkupasiialanǧan arab jerlerıne qatysty eşqandai egemendıgı joq ekenın mälımdedı. Sonymen qatar olar Batys jaǧalaudy anneksiialau nemese ony Gaza sektorynan bölu äreketterın qabyldamaitynyn jäne İzraildıŋ qonystandyru saiasatyn keŋeituıne tabandy türde qarsy ekenın bıldırdı.
Sonymen qatar qūjatqa İslam yntymaqtastyǧy ūiymy men Parsy şyǧanaǧy arab memleketterınıŋ yntymaqtastyq keŋesı siiaqty bırqatar halyqaralyq ūiym da qosylǧan.
Aita keteiık, AQŞ-tyŋ İzraildegı elşısı Maik Hakabi jurnalist Taker Karlsonge bergen sūhbatynda İzraildıŋ Taiau Şyǧystyŋ bükıl aumaǧyna ıs jüzınde «bibleilık» qūqyǧy bar ekenın mälımdegen. Onyŋ aituynşa, būl aumaqqa qazırgı İordaniia, Siriia, Livan, sondai-aq Saud Arabiiasy men İraktyŋ bır bölıkterı kıredı.
