Şymkentte marqūm Nūrai Serıkbaidyŋ qazasyna bailanysty qasaqana kısı öltırdı dep aiyptalǧan küdıktınıŋ tuystary bloger Kamila Ädılhan men onyŋ küieuı Maǧjan Aimahan alǧaş ret aşyq pıkır bıldırdı, dep habarlaidy "Adyrna" ūlttyq portaly.
Olar eŋ aldymen marqūmnyŋ ata-anasy men jaqyndaryna köŋıl aityp, būl qaiǧynyŋ ekı tarap üşın de asa auyr ekenın atap öttı.
«Eŋ aldymen Nūraidyŋ ata-anasyna, tuǧan-tuystaryna şyn jürekten köŋıl aitamyz. Alla taǧala jürekterıŋızge tynyştyq bersın. Būl – kez kelgen ata-ana üşın orny tolmas qaiǧy», – delıngen beinede.
Sonymen qatar olar küdıktı Şerhan Aimahanmen tuystyq bailanystaryn jasyrmai, onyŋ Maǧjan Aimahannyŋ äkesınıŋ ınısınıŋ balasy ekenın rastady.
«İä, Şerhan – bızdıŋ tuysymyz. Bıraq eşbır ata-ana balasynyŋ qatygez, zūlym boluyn qalamaidy. Būl jaǧdai bız üşın de öte auyr. Qyzynan aiyrylǧan ata-ananyŋ qaiǧysyn tolyq tüsınemız. Būl – ekı jaqqa da oŋai emes», – dep jazdy olar.
Kamila Ädılhan men Maǧjan Aimahan sot prosesınıŋ ädıl ötuın qalaityndaryn atap öttı.
«Sot pen jaza mäselesınde ädıl şeşım şyqqanyn qalaimyz. Alaida qandai jaza taǧaiyndalsa da, Nūraidyŋ orny tolmaidy. Sol sebeptı tek dūǧa etemız», – delıngen pıkırde.
Sondai-aq olar blogerlermen tuystyq bailanys ıstıŋ ädıl şeşıluıne äser etedı degen alypqaşpa äŋgımelerge jauap berdı.
«Blogermen tuys bolsa, bärı şeşılıp ketedı degen sözder tarap jatyr. Kerısınşe, halyq aldynda jürgen adamdar retınde, būl ıstıŋ ädıl qaralǧanyn qalaimyz. Aqtap aluǧa nietımız de, oiymyz da joq. Būl – asa auyr, zūlymdyqpen jasalǧan qylmys», – dep mälımdedı olar.
