İranda ötken narazylyqtan şamamen ekı myŋ adam qaza tapqan, dep habarlaidy "Adyrna" ūlttyq portaly Reuters agenttıgıne sıltep.
Agenttıktıŋ habarlauynşa, qaza tapqandardyŋ ışınde narazylyq bıldıruşılerden bölek eldıŋ qauıpsızdık qyzmetkerlerı de bar. Būl turaly eldıŋ resmi ökılı mälımdegen.
Agenttık atap ötkendei, būl – el bilıgınıŋ jalpyūlttyq tärtıpsızdıkter nätijesınde köp adamnyŋ qaza bolǧanyn alǧaş ret resmi türde moiyndauy.
Jappai narazylyqtar 2025 jylǧy jeltoqsan aiynyŋ soŋynda ūlttyq valiutanyŋ qūnsyzdanuyna bailanysty bastalǧan. Äkımşılık organdar jauap retınde qauıpsızdık şaralaryn küşeitıp, polisiianyŋ köz jasyn keltıretın gazyn jäne aua tapanşasyn paidalanǧan.
Eŋ ırı narazylyqtarTegeran qalasynda ötken, al eŋ qataŋ qaqtyǧystar eldıŋ batysy men oŋtüstık-batysynda – Malekşah, Kermanşah jäne Lordegan qalalarynda tırkelgen.
AQŞ-ta ornalasqan HRANA adam qūqyqtary ūiymynyŋ mälımetı boiynşa, düisenbı künı 10 myŋ 700-den astam tūtqyndau faktısı tırkelgen, bıraq būl sandar resmi türde rastalǧan joq.
Osyǧan bailanysty İran oppozisiialyq Iran International veb-saity naqty qaza tapqandar sany 12 myŋǧa jetuı mümkın ekenın mälımdedı.
Aita keteiık, İranda küştık qūrylym ökılderınen qaza tapqan «şahidterdı» eske aluǧa arnalǧan üş kündık ūlttyq aza jariialanǧany turaly habarlaǧan edık.
Al 9 qaŋtarǧa qaraǧan tünı ötken narazylyqtar kezınde elde 50-den astam bank pen bırneşe memlekettık mekeme örtelgen. Sondai-aq, ört saldarynan 30-dan asa meşıt joiylǧany turaly aqparat taraǧan.
Elde 9 qaŋtardan berı internet tolyqtai öşırıldı, telefon bailanysy toqtatylǧan. Memlekettık aqparat qūraldary resmi tūlǧalarǧa sıltep narazylyq barysynda qaza tapqandardyŋ kınäsın "terroristerge" audaryp otyr. Narazylyqqa şyqqandardy İran basşylary "terrorister", "būzaqylar" jäne "ekstremister" dep atap otyr.
