Şymkenttegı köşelerdıŋ bırınde qyz balany öltırgen er adam ūstaldy, dep habarlaidy "Adyrna" ūlttyq portaly.
Jedel-ızdestıru şaralary barysynda 21 jastaǧy Şymkent tūrǧynyn öltırdı degen küdıkke ılıngen er adam ūstaldy. Būl turaly qala polisiiasy habarlady.
Izdeu jūmystaryna polisiia departamentınıŋ barlyq jeke qūramy jūmyldyrylǧan. Qalaǧa kırıp-şyǧu baǧyttarynda baqylau küşeitılıp, jaqyn maŋdaǧy aumaqtar tolyq tekserılgen.
«Küdıktı qaladan şamamen 10 şaqyrym qaşyqtyqtaǧy aşyq alaŋnan tabylyp, ūstaldy», — delıngen polisiia habarlamasynda.
Qazırgı uaqytta 28 jastaǧy Şymkent tūrǧyny uaqytşa ūstau izoliatoryna qamaldy. Aldyn ala mälımet boiynşa, küdıktı marqūm qyzben būryn tanys bolǧan.
«Qylmystyŋ sebepterı men barlyq män-jaiyn tergeu barysynda anyqtaimyz. Adam öltıru deregı boiynşa qylmystyq ıs qozǧaldy», — dep mälımdedı polisiia.
Sonymen qatar, beiresmi derekterde qyz ben jıgıttıŋ bırneşe uaqyt söz bailasqany aitylǧan.
