Memleket basşysynyŋ sūhbatyn oqyp, tanystyq. Qoǧamdaǧy bırqatar sūraqtardyŋ jauabyn aldyq. Sonymen qatar, elımızdıŋ ruhani bolmysy, ūlttyq tarih, qoǧamnyŋ damuy baǧytynda da bırqatar sübelı oilar qozǧalǧan eken. Ärine, būl baǧytta Prezident eŋ bastysy taǧy da Abaidy aldyǧa şyǧarǧan. Basqaşa boluy da mümkın emes. Öitkenı Memleket basşysynyŋ özı aitqanyndai Abai ılımı – bärınen biık.
Prezidenttıŋ är alaŋdardaǧy sözın paiymdasaq, ol Abaiǧa süienetının aŋǧaruǧa bolady. Ūlttyŋ jaŋa sapasyn qalyptastyruda Qasym-Jomart Toqaev Abai ösietıne bas ūrady. Sebebı, Abai mūrasy – tek ötkennıŋ enşısı emes, bügın men bolaşaqtyŋ da ruhani baǧdarşamy. Ol adamgerşılık, bılım jäne ädılet arqyly qoǧamnyŋ damuyna jol sılteidı. Mysaly, Abaidyŋ «Bes närseden qaşyq bol, bes närsege asyq bol» degen ösietı adamǧa qauıptı ıs-äreketterden saq boluǧa ündeidı. Al, Ūlttyq Qūryltaidyŋ III otyrysyndaǧy Prezident sözınde būl oidyŋ qazırgı zamanǧa beiımdelgen nūsqasy körınıs tapty. Ol Abaidyŋ danalyǧyn qazırgı qoǧamdaǧy syn-qaterlermen sabaqtastyra otyryp, nazardy jaŋa bes keselge audardy: naşaqorlyq, qūmarpazdyq (ludomaniia), tūrmystyq zorlyq-zombylyq, vandalizm jäne ysyrapşyldyq. Būl qauıpterge qarsy küres tek zaŋdyq jolmen emes, eŋ aldymen sana men tärbieden bastaluy tiıs ekenı aityldy.
Abai qoǧamdy ädılettılık pen jauapkerşılık arqyly jaŋǧyrtuǧa şaqyrsa, Prezident būl mūrany naqty ıs-äreketke ainaldyru arqyly eldıŋ ruhani jaŋǧyruyn qamtamasyz etudı maqsat etedı. Ūrpaqtyŋ bolaşaǧyna alaŋdap, Abaidyŋ danalyq oilaryn memlekettıŋ strategiialyq baǧytyna engızu – Qazaqstannyŋ sanaly, ädılettı qoǧam retınde qalyptasuyna jasalǧan maŋyzdy qadam.
Bızdıkı Abai ılımı men Prezidenttıŋ saiasaty bır arnada toǧysyp, ruhani negızı berık, bolaşaǧy nyq Qazaqstandy qūruǧa qyzmet ete bersın degen tılek. Eldıŋ adaspai, ūlttyŋ bolmysyn saqtap qaluy, jastardyŋ sanasyn terıs yqpaldardan qorǧauy, ūlttyŋ jaŋa sapasynyŋ qalyptasuy – osy ılım men memlekettıŋ bırlesken ūmtylysynyŋ jemısı bolmaq.
