Qazaqstanda quqyqtyq saıasatty júzege asyrý jáne zań bólimderiniń nátıjeli jumysy quqyqtyq mádenıetti qalyptastyrýdyń, quqyqtyq tártipti qamtamasyz etýdiń jáne azamattardyń quqyqtary men bostandyqtaryn qorǵaýdyń negizi bolyp tabylady.
Quqyqtyq saıasatty jáne bólimderdiń jumysyn júzege asyrý úshin quqyqtyq saıasatty ázirleý jáne iske asyrýdy maqsat etý kerek. Olarǵa:
Zań shyǵarý bastamalary: Quqyq qoldaný tájirıbesi men qoǵamdyq qajettilikterdi taldaý negizinde qalyptasady. Qazaqstan Respýblıkasynyń Ádilet mınıstrligi, sondaı-aq basqa da múddeli organdar men komıssııalar jańa zańdar men qoldanystaǵylaryna ózgertýler ázirleıdi jáne usynady.
Taldaý jáne monıtorıng: Qoldanystaǵy zańnamanyń tıimdiligine zertteýler júrgiziledi, onyń negizinde qajetti túzetýler engiziledi.
Qazaqstan Respýblıkasynyń Ádilet mınıstrligi: Quqyqtyq saıasat, quqyq qorǵaý jáne jańa normatıvtik quqyqtyq aktilerdi ázirleýge jaýapty negizgi organ. Ol sondaı-aq quqyqqa qatysty basqa organdardyń qyzmetin úılestiredi. Al Qazaqstan Respýblıkasynyń Sybaılas jemqorlyqqa qarsy qyzmeti Sybaılas jemqorlyqqa qarsy zańnamanyń saqtalýyn qadaǵalaıdy jáne sybaılas jemqorlyq quqyq buzýshylyqtardyń aldyn alady.
Bizdiń elimizde Sot júıesi: Konstıtýııalyq Keńesten, Joǵarǵy Sottan jáne zańnyń oryndalýyn qamtamasyz etetin jáne azamattardyń quqyqtaryn qorǵaıtyn tómengi sottardan turady.
Quqyqtyq mádenıet pen quqyqtyq sanany qalyptastyrý
Halyqta, qarapaıym turǵynda bolsyn quqyqtyq saýattylyqtyń bastapqy bilimi bolýy kerek. Sol sebepti blim berý uıymdarynda quqyq páni boıynsha bilim berý baǵdarlamalary engizilgen. Odan bólek, azamattar men kásiporyndar úshin semınarlar men trenıngter uıymdastyrý da basty maqsatta.
Quqyqtyq turǵyda halyq arasynda toleranttylyq jáne quqyqtyq sanany damytý úshin kelesideı áreketter jasalýy tıis:
Adam quqyqtaryn ilgeriletý: adam quqyqtary men zań ústemdigi qaǵıdattaryn qurmetteýge baǵyttalǵan aqparattyq naýqandar men bilim berý baǵdarlamalary.
Qoǵamdyq jáne quqyq qorǵaý uıymdary: Olar quqyqtyq mádenıetti arttyrýda jáne qoǵamdy quqyqtar men mindetter týraly aqparattandyrýda belsendi ról atqarady.
Zań jobalarynyń ashyqtyǵyna baılanysty bizde aqparattar qoljetimdi. Normatıvtik quqyqtyq aktiler jobalaryn resmı saıttarda jarııalaý, qoǵamdyq talqylaýlar men konsýltaııalar ótkizý, BAQ betterinde derekter jıi jarııalanyp turady.
Bul sharalar azamattardyń quqyqtary men bostandyqtary qorǵalatyn, quqyqtyq júıe tıimdi jáne ádil jumys isteıtin quqyqtyq memleket qurýǵa yqpal etedi.
El turǵyndarynyń arasynda quqyqtyq mádenıetti joǵarylatý maqsatynda túrli is-sharalar da jıi ótkizilip otyrady.
Qazaqstan halqynyń quqyqtyq mádenıeti men quqyqtyq sanasyn damytýǵa baǵyttalǵan «Rýhanı jańǵyrý» baǵdarlamasynyń aıasynda «Quqyttyq mádenıet» arnaıy jobasy ázirlenip, kópke jol tartqanú
Arnaıy jobany júzege asyrý maqsatynda Ádilet mınıstrligi Bilim jáne ǵylym mınıstrligimen, Ishki ister mınıstrligimen jáne jergilikti atqarýshy organdarmen birlese otyryp, 1 065 063 adamdy qamtıtyn 86 490 is-sharany júzege asyrdy.
Búginde elimizde «Ádilet» aqparattyq-quqyqtyq júıesine tegin qoljetimdilik qamtamasyz etilgen. Júıe arqyly árbir qazaqstandyq óz quqyqtary týraly kez kelgen derekti onlaın bilýge jáne zańnamalyq aktilerge engizilgen ózgerister men tolyqtyrýlardyń hronologııasyn qadaǵalaýǵa múmkindik ala alady.
Qalyń jurtshylyqqa qajetti aqparatty jetkizý maqsatynda jıi-jıi eldiń barlyq oblystarynda sondaı-aq Astana, Almaty jáne Shymkent qalalarynyń ákimdikteri bılbordtar ornatyp, únparaqtar men býkletter taratylyp, halyq aqparattandyrylyp otyrady.
Qazaqstandyqardyń, jalpy halyqtyń quqyqtyq saýattylyǵyn arttyrý – qoǵamnyń damýynyń alǵysharttarynyń biri. Damyǵan memleketterde quqyqtyq saıasat keńinen etek alǵan. Onda ár adam óz quqyn qorǵaýǵa beıim turady. Al óziniń mindetin bilgen adam tártipsizdikke barmaıtynyn este ustaǵan jón.
