Bügın — Halyq qaharmany, aşyq keŋıstıkke 8 ret şyqqan rekordşy ǧaryşker Talǧat Mūsabaevtyŋ tuǧan künı, dep habarlaidy «Adyrna» tılşısı.
Talǧat Amangeldıūly 1951 jyly Almaty oblysy Qarǧaly auylynda düniege kelgen. Ol Lenin komsomoly atyndaǧy Riga azamattyq aviasiia injenerlerı institutyn “Aviasiialyq radio jabdyqtaryn tehnikalyq paidalanu” mamandyǧy boiynşa, Almatydaǧy armiiaǧa, aviasiia men flotqa järdemdesu erıktı qoǧamynyŋ aeroklubyn, sondai-aq Aqtöbe azamattyq aviasiiasynyŋ joǧary ūşqyştar uchilişesın tämamdaǧan.
Diplom alǧannan keiın bır jyl Boraldai azamattyq aviasiia otriadynda radio jabdyqtar injenerı bolyp jūmys ıstegen. 1975 jyldyŋ qaŋtarynda Almatydaǧy Komsomol komitetınıŋ bosatylǧan hatşysy bolyp sailanǧan. Keiın Qazaq azamattyq aviasiia basqarmasynda nūsqauşy, aǧa nūsqauşy bolyp eŋbek etken.
1986 jyly ǧaryşker ūşyru baǧdarlamasy aiasynda medisinalyq komissiiadan öte bastaǧan, bıraq joba jalǧasyn tappaǧan. 1987 jyldan An-2 ūşaǧynyŋ ekınşı piloty, 1989 jyldan komandirı bolyp qyzmet etken.
1988 jyly qaitadan medisinalyq tekseruden ötıp, arnaiy daiyndyqqa rūqsat alǧan. 1990 jyldyŋ mamyrynda ǧaryşkerler qūramyna ūsynylǧan. Sol jyldyŋ qazanynda Ǧaryşkerlerdı daiarlau ortalyǧyna jıberılıp, jalpy ǧaryştyq daiyndyqqa kırısken. 1991 jyly nauryzda «ǧaryşker-synaqşy» kandidaty lauazymyna bekıtılgen.
Talǧat Mūsabaev - qazaqtyŋ 2-şı, al älemnıŋ 309-şy ǧaryşqa üş ret ūşqan ǧaryşkerı. 8 ret aşyq kosmosqa şyǧyp, onda jiyntyǧy 43 saǧat 46 minut bolǧan. Sondai-aq ol ǧaryşqa Qazaqstan tuyn alǧaş ret alyp şyqqan jäne orbitaǧa Qūrandy jetkızgen eŋ alǧaşqy jäne äzırge jalǧyz ǧaryşker boldy. Özınıŋ aituynşa, qasiettı kıtapty ǧaryşqa odan būryn da, keiın de eşkım aparmaǧan.
Talǧat Mūsabaev 1995 jyly "Halyq qaharmany", "Qazaqstannyŋ ǧaryşker-ūşqyşy", 1998 jyly "Otan" jäne bırınşı därejelı "Barys" ordenın, 1999 jyly "Astana" medalın alǧan. Odan bölek, Resei Federasiiasy tarapynan 1991 jyly "Halyqtar dostyǧy" ordenın, 1994 jyly "Resei Federasiiasynyŋ qaharmany" men "RF ūşqyş-ǧaryşkerı", 1998 jyly ekınşı jäne üşınşı därejelı "Otan aldyndaǧy eŋbegı üşın" marapattaryn ielengen.
Är jyldary Qazaqstan Ūlttyq ǧaryş agenttınıŋ töraǧasy, prezident keŋesşısı, parlament senatynyŋ deputaty bolyp qyzmet atqarǧan.
Bırtuar tūlǧa 2025 jyldyŋ 4 tamyzynda 74 jasynda ömırden ozdy.
