Búgin - ádebıet maıtalmany, aqyn Ábdilda Tájibaevtyń týǵan kúni, dep habarlaıdy "Adyrna" tilshisi.
Qazaq aqyny, dramatýrg, ádebıet zertteýshi ǵalym 1909 jyly Syr óńirinde ómirge kelgen.
Ábdilda Tájibaev anasynan bilim alyp, saýatyn ashqan. Keıinnen óleńge, ádebıetke degen qushtarlyǵy da naǵashylarynda júrip, baıqalǵan.
Jazýshylar odaǵynyń múshesi 1922 jyly Qyzylorda qalasynda jańadan ashylǵan jetim balalarǵa arnalǵan ınternatta bilim alyp, saýattylyǵynyń arqasynda bastaýysh mekteptiń 3-synybyna aýysyp ketedi.
Ábdildanyń alǵashqy óleńderi osy ınternattyń qabyrǵa gazetinde jarııalanady.
Eńbek jolyn "Eńbekshi qazaq" gazetinde aldymen poshta tasýshy bolyp bastap, sodan keıin korrektor bolyp jumys istegen. Keıinnen "Lenınshil jas" gazeti redaktorynyń orynbasary boldy. Ábdilda Tájibaevtyń baspa betindegi tuńǵysh týyndysy - "Jumysshynyń gýdogi" óleńi. Ol 1926 jyly "Jumysshy" gazetinde basyldy.
Aqynnyń «Jańa yrǵaq», «Araldar», «Kesheden búginge», «Jartas», «Jańa órimder», «Qurdastar», «Tolaǵaı» jáne 5 tomdyq jyr jınaqtary jaryq kórgen. «Maıra», «Jartas», «Jalǵyz aǵash orman emes», «Kóńildester», «Toı bolarda», «Dýbaı Shýbaevıch» t. b. pesalary sahnalarda qoıylǵan. «Ómir jáne poezııa», «Qazaq dramatýrgııasynyń damýy men qalyptasýy», «Jyldar, oılar» zertteý eńbekteri oqyldy. Tájibaev uzaq shyǵarmashylyq ǵumyrynda tynymsyz izdenip, úzdiksiz eńbektenip, tutas bir dáýir shyndyǵyn jan-jaqty, joǵary kórkemdikpen beınelegen aqyn.
Bir qyzyǵy - ótken ǵasyrdyń otyzynshy jyldarǵy qýǵyn-súrgin kezinde sovet rejıminiń respressııalyq naýqanynda Tájibaevtyń da aty atalady. Sol kezde rejım sózin sóılegen aqyn keıin "aqtańdaqtar" halqymen qaýyshqanda, bir kezde qýǵyndalǵan qalamgerlerdiń kitabyna alǵys sóz jazdy.
