AQŞ-tyŋ arnaiy qyzmetterı Ukraina ūşqyşsyz ūşu apparattarynyŋ Resei prezidentı Vladimir Putinge şabuyl jasaǧany turaly aqparatty rastaǧan joq. Būl turaly The Wall Street Journal gazetı jazdy, dep habarlaidy «Adyrna» tılşısı.
«Ukraina Novgorod oblysynda ornalasqan äskeri nysanǧa soqqy beruge tyrysqan. Alaida ol nysan Putinnıŋ rezidensiiasyna jaqyn jerde bolmaǧan»,- delıngen habarlamada.
Basylym derekközıne säikes, mūndai qorytyndyny AQŞ Ortalyq barlau basqarmasynyŋ baǧalauy da rastaǧan. Barlau mälımetterı boiynşa, Putinnıŋ rezidensiiasyna şabuyl jasauǧa eşqandai äreket bolmaǧan.
CNN mälımetınşe, 31 jeltoqsanda Ortalyq barlau basqarmasynyŋ direktory Djon Retkliff osy tūjyrymdar turaly AQŞ prezidentı Donald Trampqa habarlaǧan. Sol künı Tramp Truth Social äleumettık jelısınde New York Post basylymynyŋ redaksiialyq maqalasyna sılteme jasap, Resei bilıgı taratqan Putin rezidensiiasyna şabuyl jasaldy degen aqparatty «beibıtşılıkke Reseidıŋ özı kedergı keltırıp otyr» degen uäjben bailanystyrǧan.
Būǧan deiın Reseidıŋ syrtqy ıster ministrı Sergei Lavrov 29 jeltoqsanda Ukraina tarapynan Resei prezidentınıŋ Novgorod oblysyndaǧy rezidensiiasyna drondar arqyly şabuyl jasau äreketı bolǧanyn mälımdegen edı. Onyŋ aituynşa, şabuylǧa 91 ūşqyşsyz ūşu apparaty qatysqan. Olardyŋ barlyǧy äue şabuylyna qarsy qorǧanys küşterımen joiylǧan.
Tramptyŋ özı de Putinmen telefon arqyly söileskenın jäne äŋgıme barysynda reseilık tarap rezidensiiaǧa şabuyl jasalǧany turaly aitqanyn jetkızdı. AQŞ prezidentı būl habardy estıgende «qatty aşulanǧanyn», bıraq şabuyldyŋ mülde bolmauy da mümkın ekenın joqqa şyǧarmaǧanyn atap öttı.
31 jeltoqsanda Reseidıŋ qorǧanys ministrlıgı Putin rezidensiiasyna qarai ūşyp kele jatqanda atyp tüsırıldı delıngen drondardyŋ qaldyqtaryn körsetken. Alaida Ukraina qaruly küşterı tarapynan şabuyl jasalǧanyn täuelsız derekközder älı künge deiın rastamady. Al Ukraina prezidentı Vladimir Zelenskii būl aiyptaulardy üzıldı-kesıldı joqqa şyǧardy.
