Özbekstan prezidentı Şavkat Mirziioev 2026 jyldy «Mahallalardy damytu jäne qoǧamnyŋ örkendeu jyly» dep jariialaudy ūsyndy. Būl bastama 26 jeltoqsanda memleket basşysynyŋ Olii Mäjılıske jäne halyqqa jasaǧan joldauynda aityldy, dep habarlaidy “Adyrna” ūlttyq portaly.
Prezident öz sözınde mahallany qoǧamnyŋ basty äleumettık tıregı retınde atap öttı. Onyŋ aituynşa, el tarihyndaǧy qiyn kezeŋderde halyqtyŋ bırlıgı men özara qoldauy däl osy mahalla deŋgeiınde körınıs tapqan.
«Eger mahalla tynyş ärı tatu bolsa, qoǧam da tūraqty bolady. Al mahalla damysa, bükıl el örkendeidı», — dedı Şavkat Mirziioev.
2026 jyl barlyq negızgı salalarda tübegeilı özgerıster kezeŋı bolmaq. Atap aitqanda, memlekettık basqaru, sot-qūqyq jüiesı, ekonomika, bılım beru, ǧylym, medisina, mädeniet, sport jäne ekologiia salalaryn keşendı damytu közdelıp otyr. Osy maqsatta arnaiy memlekettık jospar qabyldanady.
Aumaqtardy damytuda keşendı täsıl engızıledı. Är öŋırde ekı-üş audan taŋdalyp, onda infraqūrylym mäselelerı bır mezgılde şeşılıp, käsıpkerlıkke qolaily jaǧdai jasalady. Būl jūmystarǧa 8,5 trln sum kölemınde qarjy bölınedı. Sonymen qatar deputattarǧa öz aimaqtarynda özektı mäselelerdı şeşu üşın 500 mlrd sum qarastyrylǧan.
Jergılıktı biudjetterdıŋ qarjylyq derbestıgın arttyru da maŋyzdy baǧyttardyŋ bırı bolmaq. 2026 jyldan bastap qosylǧan qūn salyǧynyŋ bır bölıgı öŋırlerde qaldyrylady: Taşkentte — 5%, basqa aimaqtarda — 20%. Onyŋ jartysy tıkelei audan biudjetterıne baǧyttalady. Būl mahallalardyŋ infraqūrylymyn jaqsartuǧa qosymşa resurstar tartuǧa mümkındık beredı.
Alǧaş ret öŋırlerge infraqūrylymdy damytu üşın 20 trln sum bölınedı. Alaida būl qarajat tek jūmys oryndaryn qūryp, halyqtyŋ tabysyn arttyratyn naqty jobalarǧa ǧana investisiialanatyn bolady.
Urbanizasiia salasynda 45 aglomerasiialyq aumaq anyqtalyp, «Tūraqty qala» platformasy ıske qosylady. Ol qalalardyŋ damu sapasyn baǧalauǧa jäne är mahallanyŋ mäselesın anyqtauǧa mümkındık beretın «ömır süruge qolailylyq indeksıne» negızdeledı.
Ekonomikalyq reformalar aiasynda negızgı salyq mölşerlemelerı özgerıssız qalady. Şaǧyn jäne orta biznestı qoldau üşın 140 trln sum bölınıp, onyŋ edäuır bölıgı äielder men jastar käsıpkerlıgın damytuǧa baǧyttalady. «Mahallada önerkäsıp pen qyzmet körsetu» jobasy arqyly myŋdaǧan jaŋa öndırıstık jäne servistık jobalar ıske asyrylyp, 100 myŋǧa juyq jūmys orny aşu josparlanyp otyr.
Äleumettık sala da nazardan tys qalmaidy. Halyqty sportqa tartu üşın jaŋa nysandar salynyp, būl maqsatqa 1 trln sum bölınedı. Sonymen qatar mektep kıtaphanalary jyl saiyn 10 million körkem ädebi kıtappen tolyqtyrylyp, jastardyŋ oquǧa degen qyzyǧuşylyǧyn arttyru közdelude.
Osylaişa, 2026 jyl Özbekstanda mahallany qoǧam damuynyŋ özegıne ainaldyruǧa baǧyttalǧan auqymdy reformalar jyly bolmaq.
Aita keteiık, mahalla — belgılı bır aumaqta tūratyn tūrǧyndardyŋ bırıkken jergılıktı qauymdastyǧy. Ol körşı-qolaŋnyŋ özara kömegıne, bırlık pen yntymaqqa negızdelgen. Mahallada äleumettık mäseleler şeşılıp, tūrmysy tömen otbasylarǧa qoldau körsetıledı. Sondai-aq jastar tärbiesıne, qoǧamdyq tärtıp pen dästürdı saqtauǧa köŋıl bölınedı. Qazırgı Özbekstanda mahalla resmi basqaru jüiesınıŋ maŋyzdy bölıgı bolyp sanalady.
