Vaşingtonda Alaştyŋ asyl tūlǧasy, abyzy, Qazaqstannyŋ Halyq jazuşysy Mūhtar Maǧauinnıŋ jyldyq asy öttı. Būl turaly AQŞ-taǧy qazaq azamaty Saparbek Naǧaşybekov Facebook paraqşasynda jazdy, dep habarlaidy «Adyrna».
Kazakh American Association ökılderı Mūhtar Maǧauinnyŋ qabırıne ziiarat etıp, Qūran baǧyştady. Odan keiın jazuşynyŋ ūly Edıgenıŋ şaŋyraǧyna baryp, asqa qatysqan.
«Osy asta Mūhtar atamyzdy eske alyp, taǧylymdy, önegelı äŋgımeler aityldy. Mūhtar Maǧauindı tek qazaqtar ǧana emes, Türkı-Tūran älemı, qyrǧyzdar, orystar, nemıster de joǧary baǧalap, zor qūrmetteidı eken.
Mūhtar Maǧauin bükıl sanaly ǧūmyryn qazaq halqyna arnady. Ol 27 tomdyq eŋbegın jazyp, qazaqtyŋ bes ǧasyrlyq tarihyn ruhani tūrǧyda tügendep berdı. Bolaşaq ūrpaq atamyzdyŋ ūly eŋbegın älı talai baǧalaityny sözsız. Qazaqtyŋ tarihynda osynşama kıtaptar jazǧan jazuşy bolmaǧan.
Osy eŋbekterı üşın bız, qazaq halqy, Mūhtar Maǧauinge qaryzdarmyz. Qazaqtar atynan Mūhtar atamyzǧa jäne Maǧauinder äuletıne şeksız alǧysymdy bıldıremın.
Vaşingtonda bızdıŋ Assosiasiia ūiymdastyrǧan Nauryz merekelerı men türlı basqosularǧa Mūhtar atamyz ünemı qatysyp, batasyn berıp, taǧylymdy äŋgımelerımen ruhymyzdy köterıp otyratyn.
Ol — Vaşingtondaǧy qazaqtardyŋ asqar tauy edı. Atamyzdy saǧyndyq. Jatqan jerı jaryq, jany jännatta bolsyn. Mūhtar Maǧauin atamyzdyŋ qabırın zirat etemız degen aǧaiyn google karta men osy jerge baruǧa bolady», dep jazdy Saparbek Naǧaşybekov.
Mūhtar Maǧauin - jazuşy, ädebiet tarihyn zertteuşı ǧalym, tarihi romandardyŋ avtory.
Ol 1940 jyly 2 aqpanda Semei oblysynyŋ Şūbartau audanynda düniege kelgen. 1962 jyly Qazaq memlekettık universitetınıŋ filologiia fakultetın, 1965 jyly aspiranturasyn bıtırgen. Är jyldary "Qazaq ädebietı" gazetınde, "Jūldyz" jurnalynda, "Jazuşy" baspasynda qyzmet ıstegen. Ǧylym akademiiasyna qarasty Mūhtar Äuezov atyndaǧy Ädebiet jäne öner institutynda, Mäskeude Maksim Gorkii atyndaǧy Ädebiet institutynda qazaq folklory men qazaq ädebietı tarihy boiynşa leksiia oqyǧan.
Jazuşy HV-HVIII ǧasyrdaǧy ūmytylǧan eskılıktı qazaq poeziiasyn qaiyra aşyp, resmi ädebiet tarihyna engızgen. «Alasapyran» tarihi roman-dilogiiasy üşın Qazaq KSR-ınıŋ Abai atyndaǧy memlekettık syilyǧy berılgen.
Jazuşynyŋ XV–XVIII ǧasyrdaǧy qazaq aqyn, jyraulary turaly "Qobyz saryny", "Kök mūnar" romany, "Şaqan-Şerı", "Gauhar" roman-dilogiiasy, "Jarmaq", "Şyŋǧys hannyŋ şarapaty" jäne özge de şyǧarmalary bar.
2006 jylda Mūhtar Maǧauin elden jyraqqa ketıp, äuelı Chehiia qalalarynda, keiın Vaşingtonda tūrdy. Biyl 10 qaŋtarda 85-ke qaraǧan şaǧynda sol elde ömırden öttı. Jazuşynyŋ denesı özınıŋ ösietı boiynşa Vaşington maŋyndaǧy Parkloun memorialdyq ziratyna qoiyldy.
