Belgili jazýshy Muhtar Maǵaýınniń janazasy 11 qańtar kúni AQSh-tyń Merılend shtatynda jergilikti ýaqytpen 10:00–de túriktiń Diyanet Center of America meshitinde ótedi jáne sol shtattyń zıratyna jerlenedi. Bul týraly Amerıkadaǵy qazaqstandyqtar agenttikke málimdedi, dep habarlaıdy “Adyrna” ulttyq portaly.
“Muhtar Maǵaýınniń janazasy qańtardyń 11-i, senbi kúni saǵat 10:00–de Lenhem qalasyndaǵy túriktiń Diyanet Center of America meshitinde oqylady, qonaqasy da sol orynda 13:00–de beriledi. Jerleý rásimi 11:00–de Parklawn Memorial zıratynda ótedi”, — dep jazylǵan jazýshynyń uly Edige Maǵaýınniń otandastaryna jibergen habarlamasynda.
Eske sala ketsek, búgin tańda belgili jazýshy Muhtar Maǵaýın AQSh-ta 85 jasynda dúnıeden ozdy.
Memleket basshysy Qazaqstannyń halyq jazýshysy Muhtar Maǵaýınniń otbasy men jaqyn-jýyqtaryna kóńil aıtý jedelhatyn joldady.
