Qazaqstanda aerotaksi qyzmetın ıske qosu josparlanyp otyr, dep habarlaidy "Adyrna" ūlttyq portaly.
Būl turaly kölık ministrı Nūrlan Sauranbaev mälımdedı.
Ministrdıŋ aituynşa, vedomstvo qazırgı taŋda ūşqyşsyz äue kölıkterın, onyŋ ışınde jolauşylar tasymalyn retteitın qūqyqtyq bazany äzırleu boiynşa jūmys jürgızıp jatyr. Osy baǧyttaǧy zaŋ jobasyn 2026 jyly daiyndap, Parlament qarauyna engızu josparlanǧan.
«Būl jerde basty mäsele – qauıpsızdık. Qauıpsızdık tolyq qamtamasyz etılse, qalǧan sūraqtardyŋ barlyǧy şeşıledı», – dedı ministr Nūrlan Sauranbaev.
Jurnalisterdıŋ sūraǧyna jauap bergen ministr aerotaksi Qazaqstanda 2027 jyly ıske qosyluy äbden mümkın ekenın atap öttı. Onyŋ sözınşe, mūndai tehnologiia qazırdıŋ özınde älemnıŋ keibır elderınde qoldanylyp jatyr.
«Bız Şenchjen qalasynda boldyq. Ol jerde aerotaksi qyzmetın paidalanuǧa bolady, bıraq ūşu kezınde pilot basqaruy mındettı», – dedı ol.
Qazaqstanda äue taksiın engızu kezeŋ-kezeŋımen jüzege asyrylyp, jolauşylar qauıpsızdıgı basty nazarda bolady. Būǧan deiın elımızde jaŋa Alatau qalasynda aerotaksi jüiesın damytu maqsatynda qūny 300 mln dollar bolatyn elektr ūşaqtaryn satyp alu josparlanyp otyrǧany habarlanǧan edı.
