Aida Balaeva otandyq kinematografiiadaǧy tarihi jetıstıkpen bölıstı. Onyŋ aituynşa, üş aptadan berı prokatta köş bastap kele jatqan «QAITADAN» körkem filmı 1 mlrd teŋgeden astam tabys jinap, memleketten bölıngen qarjyny bes esege artyǧymen qaitarǧan alǧaşqy joba boldy.
Film — jas rejissior Duman Erkımbektıŋ tolyqmetrajdy debiutı. Ol 2023 jylǧy pitchingtıŋ jeŋımpazy atanǧan bolatyn. Kartinada otbasy institutyn därıpteu, äleumettık jauapkerşılık pen adamgerşılık qaǧidattaryn nasihattau basty nazarǧa alynǧan.
Aida Balaevanyŋ aituynşa, «QAITADAN» – körermendı tereŋ oiǧa jeteleitın, ūlttyq ruhty köteretın tuyndy. Ol barşa qazaqstandyqtardy filmdı bırge tamaşalap, otandyq kinony qoldauǧa şaqyrdy.
Ministr sondai-aq Memleket basşysynyŋ Ūlttyq qūryltaida aitqan «kino eŋ aldymen sapaly boluy kerek» degen sözın eske alyp, ūlttyq kinony damytu jūmystary jüielı türde jalǧasatynyn atap öttı.
