Aldaǵy birneshe jylda Qazaqstanda týberkýlez aýrý órshýi múmkin. Bul týraly búgin QR Ulttyq ftızıopýlmonologııa ortalyǵynda ótken baspasóz jıynynda mamandar aıtty, dep habarlaıdy “Adyrna» tilshisi.
Aldaǵy jyldarǵa boljam jasaǵan mamandardyń pikirinshe, derttiń asqynýyna der kezinde skrınıngterdiń jasalmaýy sebep. Óıtkeni, jalpy halyqtyń densaýlyǵyn qadaǵalaýmen aınalysatyn emhanalar pandemııaǵa baılanysty jabylyp, koronavırýsqa qarsy jumys istedi. Bul óz kezeginde halyqtyń jappaı týberkýlezge qarsy tekseristen der kezinde ótýin ájeptáýir shektegen.
«Kameda» qoǵamdyq qory uıymdastyrǵan sharaǵa otandyq BAQ ókilderi qatysyp, týberkýlez týraly jan-jaqty aqparat aldy.
Ortylyq mamandarynyń aıtýynsha halyqta týberkýlezge baılanysty qorqynysh pen úreı qalyptasqan. Onyń basty sebebi aqparattyń durys jetkizilmeýi deıdi QR Ulttyq ftızıopýlmonologııa ortalyǵynnyń baqylaý, baǵalaý, epıdemıologııa jáne statıstıka, aqparattandyrý departamentiniń basshysy Jazybekova Panagúl.
«Búgingi tańda týberkýlez eshqandaı da qorqynyshty aýrý emes. Adamdar arasynda ol týraly durys emes túsinik qalyptasqan. Byltyr koronavırýs bolǵan kezde eshkim jasyrǵan joq. Emdelip jazylyp jatty. Bul da sondaı. Ókpege túsken ınfekııany emdeýge bolady. Sonymen birge emdeýdiń barlyq túri jáne dári-dármekter tegin» deıdi P.Jazybekova.
«Adyrna» ulttyq portaly
