Kerı bailanys: qarjylyq alaiaqtyqpen bailanysty taqyryp boiynşa jiı qoiylatyn sūraqtarǧa jauaptar

QR Qarjy naryǧyn retteu jäne damytu agenttıgı azamattarmen jedel özara ıs-qimyl jasau üşın kommunikasiianyŋ barlyq arnalaryn paidalanady. Halyqqa qarjylyq retteuşınıŋ, qarjy ūiymdarynyŋ, retteletın subektılerdıŋ qyzmetı turaly aqparattyŋ qoljetımdılıgı men tolyqtyǧyn arttyru maqsatynda Agenttıkte 2021 jylǧy 24 mamyrdan bastap myna nömır boiynşa call-ortalyq jūmys ısteidı: +7 727 237 1000. Call-ortalyq arqyly qarjylyq qyzmetterdı tūtynuşylar öz qūqyqtary men müddelerın qorǧau, qoldanystaǧy zaŋnama normalaryn tüsındıru mäselelerı boiynşa konsultasiialar ala alady. Sondai-aq şūǧyl sipattaǧy mäselelerdı tıkelei qarjy, mikroqarjy ūiymdarymen jäne kollektorlyq agenttıktermen jedel şeşuge, qarjylyq alaiaqtyq jaǧdailary jäne qarjylyq piramidalardyŋ qyzmetı turaly habarlauǧa mümkındık tudy. Paidalanuşylar öz sūraqtaryn tıkelei Agenttıkke 2020 jylǧy 25 mausymnan bastap jūmys ısteitın «Fingramota Online» mobildı qosymşasy arqyly jıbere alady. Onda 14 taqyryptyq bölım bar, olardyŋ bırı «Qarjylyq piramidalar jäne qarjylyq alaiaqtyq» dep atalady, onda kümändı ūiymdardyŋ qyzmetı boiynşa konsultasiia aluǧa, sız kezdesken alaiaqtyq shemalar, küdıktı sıltemeler, äleumettık jelılerdegı akkaunttar, onlain-toptar jäne t. b. turaly habarlauǧa bolady. Sūraq: Bügınde alaiaqtyqtyŋ qandai jaŋa türlerı bar jäne qarjylyq alaiaqtardy qalai bıluge bolady? Jauap: internet mümkındıkterınıŋ keŋeiuımen jäne IT-tehnologiialardyŋ damuymen jeke derekterdı ūrlauǧa mümkındık beretın türlı alaiaqtyq shemalar jetıldırılude. Qaskünemder olardy özderınıŋ paidakünemdık maqsattary üşın paidalanady. Alaiaqtardyŋ jaŋa shemalary - aldaudyŋ jetıldırılgen täsılderı. Eger būryn alaiaqtyq shemalarda negızınen jalǧan internet-resurstar paidalanylǧan bolsa, qazır jalǧan mobildı qosymşalar belsendı qoldanylady. Sonymen qatar telefon alaiaqtyqtary äleuettı qūrbandarmen bailanys üşın messendjerlerdı (mysaly, Telegram, WhatsApp) keŋınen qoldanumen almastyryldy. Alaiaqtyqtyŋ barlyq türlerı bır närsege baǧyttalǧan — paidalanuşylardyŋ senımıne kırıp konfidensialdy aqparatty alu. Alaiaqtar azamattarǧa öte tiımdı talaptarmen türlı aksiialarǧa qatysudy ūsynulary mümkın, olar qazırgı kezde tauarlar men körsetıletın qyzmetterge aqy töleu kezınde keŋınen qoldanylatyn QR kodtardy qoldan jasai alady. QR-kod arqyly tıptı keibır memlekettık körsetıletın qyzmetterdı de aluǧa bolady. Alaiaqtar maşinalyq oqytu men zamanaui söileu tehnologiialarynyŋ mümkındıkterın qoldana bastady. Mäselen, eger būryn alaiaqtar negızınen özderı qoŋyrau şalsa, qazır qoŋyraulardyŋ basym köpşılıgı dauys robottarynyŋ kömegımen jasala bastady. Jäne de būrynǧydai IP-telefoniia arqyly ziiankester kez kelgen nömırdı qoldan jasaidy, būl olarǧa özderın kez kelgen adam: bankterdıŋ, qūqyq qorǧau organdarynyŋ, türlı kompaniialardyŋ qyzmetkerlerı retınde tanystyruǧa mümkındık beredı. Telefon alaiaqtyqtarynyŋ dauys robottaryn (bottardy) qoldanatyn jaŋa shemasy būrynnan mälım shemalardan aiyrmaşylyǧy az. Robottar jansyz qoŋyrau şalu funksiiasyn oryndaidy. Qoŋyrau avtomatty türde ötedı jäne bot memlekettık tılde jäne orys tılınde de qandai da bır aqparatty rastaudy nemese terıske şyǧarudy ūsynady. Köp jaǧdaida avtomatty türde eskertulerdı halyq şynaiy banktıŋ qoŋyraulary retınde qabyldaidy -   alaiaqtyqtyŋ mūndai  türınıŋ basty qauıptılıgı osy. Abonent sol nemese basqa bır aqparatty rastaǧannan keiın qoŋyrau ädettegı aldau shemalaryn qoldanatyn operatorǧa auystyrylady. Bottardyŋ kömegımen alaiaqtar robottarǧa jappai qoŋyrau şalulardy berıp,  operatorlardyŋ jūmysyna uaqyt pen aqşany ünemdeidı. Köp jaǧdaida, alaiaqtar adamdardy olardyŋ şottaryna hakerlık şabuyldar jasalǧany, internettegı jeke kabinettıŋ nemese mobildı bankingtıŋ būzylǧany  turaly äŋgımelermen qorqytady. Robot sızge banktıŋ qysqa nömırınen qoŋyrau şaluy mümkın, būl sızdı şatastyryp, sızdıŋ qyraǧylyǧyŋyzdy tömendetuı mümkın jäne böten adamdar sızdıŋ atyŋyzǧa jalǧan kredit almaqşy bolǧany nemese ony resımdep qoiǧany turaly; ärtürlı sanksiialarǧa bailanysty sızdıŋ şotyŋyz būǧattaldy; bank SWIFT halyqaralyq audarymdar jüiesınen ajyratyldy jäne şūǧyl türde aqşany «rezervtık», qauıpsız şotqa audaru qajet dep jäne t. b. turaly aitulary mümkın. Alaiaqtyq bottar polisiia departamentınıŋ atynan qoŋyrau şalyp, äldebır aiyppūldyŋ boluy jönınde habarlap, tolyq aqparat alu üşın, mysaly, «1» sanyn basudy sūrai alady. Sodan keiın basqa dauystyq «kömekşı» qosylady, olar jariia etetın  aqparattyŋ superkonfidensialdy  ekenın eskertedı jäne jeke basyn rastau üşın bırqatar sūraqtarǧa jauap beru qajet ekenın aitady, olardyŋ ışınde sızdıŋ tölem derekterıŋız turaly sūraqtar da boluy mümkın. Taǧy da keŋınen taralǧan shema – telefon alaiaqtary qoldanatyn dauystyq avtomattandyru. Tūtqany köterıp, qoŋyrauǧa jauap bergennen keiın  bırden jazba qosylady, onda sız nemese sızdıŋ nömırıŋız konkursta, lotereiada, ūtys oiynynda ūtqanyŋyz turaly aitylady. Ärine, sız naqtylaityn sūraqtar qoiasyz, bıraq bailanystyŋ ar jaǧyndaǧy sözderdıŋ aǧymy toqtamaidy. Eger mūqiiat qoiyp tyŋdasaŋyz, būl qarapaiym audio jazba ekenın tüsınuge bolady, bıraq sızdıŋ söilegenıŋız  de jazylyp jatqanyn  bırden tüsıne almaisyz. Esıŋızde bolsyn, alaiaqtar dauysty salatyn robottardyŋ kömegımen maŋyzdy konfidensialdy mälımetterdı aluǧa tyrysady: JSN, jeke basyn kuälandyratyn qūjattyŋ nömırı, kartanyŋ tolyq derektemelerı, SMS-ten alynǧan kod. Sondai-aq, qasköilerdıŋ sızden «İä» jäne «Men rastaimyn» degen naqty söz tırkesterın aluy maŋyzdy. Ol üşın bottar «Sız Almatyda tūrasyz ba?», «Sız soŋǧy täulıkte tölem jasadyŋyz ba?», «Jüldeŋızdı alyp ketkıŋız kele me?, «Sız menı jaqsy estıp tūrsyz ba?», «Sız būl aqparatty rastaisyz ba?» jäne taǧy basqa. Iаǧni, bottar biometriialyq derekterdı jinaidy, olardy öz müddelerı üşın de qoldana alady. Alaiaqtardy mynadai belgılerı boiynşa tanuǧa bolady:

1. Olar bırınşı qoŋyrau şalyp, özderın kez kelgen adam bolyp tanystyrady, bıraq ärqaşan aqşa turaly äŋgıme bastaidy;
2. Olar Sızdı şatastyru üşın qarjyǧa qatysty kez kelgen män-jailar men jaǧdailardy oilap tabady (ırı paida nemese şottardan aqşanyŋ joǧaluy) jäne köbınese olardyŋ oilanuyna jol bermeidı;
3. Olar sızdıŋ jeke derekterıŋızdı jäne kartanyŋ tolyq derektemelerın, sonyŋ ışınde artqy jaǧyndaǧy üş taŋbaly kodty aluǧa tyrysyp, psihologiialyq ädısterdı qoldanady.

Sūraq: Maǧan bank qyzmetkerı retınde özın tanystyrǧan adam qoŋyrau şaldy, men būl audiojazba ekenın bırden tüsınbedım. Alaiaqtardyŋ qoŋyrau şalǧanyna senımdımın. Aityŋyzşy, olar būl audiojazbany qalai qoldana alady? Jauap: Alaiaqtar jäbırlenuşı dausynyŋ audiojazbasyn qoldana otyryp, kredittık ūiymda türlı qarjylyq operasiialardy jasai alamyz, mysaly, kredit ala alamyz dep ümıttenedı. Alaida, bankter men mikroqarjy ūiymdarynda biometriialyq säikestendıru siiaqty jeke basyn rastau prosedurasynyŋ qūrauyşynan basqa tekserudıŋ qosymşa deŋgeilerı bar. Kredittık ūiymdar skoring jüiesın qoldanady. «Skoring» ūǧymy qarjy salasynda būrynnan bar jäne qaryz aluşyny, onyŋ tölem qabılettılıgı men adaldyǧyn baǧalau jüiesın bıldıredı. Sonymen qatar, skoring jüiesı onyŋ kırısın ǧana emes, sonymen qatar kredit beru üşın qajettı basqa ölşemşarttardy da baǧalaidy, mysaly, qaryz aluşynyŋ kredittı uaqtyly jäne adal öteu qabıletı, jūmys ötılı, otbasylyq jaǧdaiy, balalarynyŋ boluy, kreditorlardan qanşa ret bas tartqany, tıptı äleumettık jelılerde qandai toptarǧa qol qoiylǧanyn baǧalai alady jäne taǧy basqalary. Sondyqtan onlain kredit alu üşın tek «iä» dei salu jetkılıksız. Alaida, eger sız robotqa kartochkanyŋ nömırı, onyŋ qoldanylu merzımı jäne artqy jaǧyndaǧy üş san, iaǧni CVC/CVV-kody, sondai-aq SMS-ten rastau kody siiaqty maŋyzdy derbes aqparatty habarlap ülgergen bolsaŋyz, onda sızde banktık şotta qarajatsyz jäne sızdıŋ atyŋyzǧa räsımdelgen kredittermen qalu täuekelı eselep artady. Alaiaqtar sızdıŋ «dausyŋyzdyŋ köşırmesımen» taǧy ne ıstei alady? Üşınşı tūlǧalarǧa satady nemese bopsalau maqsatynda paidalanady, mysaly, sızdıŋ bedelıŋızdı tüsıretın jazba qūrastyryp, sodan keiın ol üşın aqşa töleuıŋızdı talap etedı. Dauystyq robotty (spamerdı) tanu qiyn emes. Oǧan senbei, söilesudı toqtatyp, nömırdı būǧattaŋyz. Jäne öz derekterıŋızdı qorǧaŋyz, olardy telefon arqyly beitanys adamdarǧa habarlamaŋyz! Esıŋızde bolsyn: bankter jäne basqa ūiymdar, sondai-aq qūqyq qorǧau organdarynyŋ qyzmetkerlerı Sızdıŋ jeke jäne tölem derekterıŋızdı naqtylau üşın sızge eşqaşan qoŋyrau şalmaidy!           Ata-anaŋyzdy, ata-äjeŋızdı, sondai-aq kartasy bar balalardy eşkımge, äsırese telefon arqyly tölem derekterın, onyŋ ışınde kartanyŋ arǧy jaǧyndaǧy kodty, internet-bankingtıŋ parolın, SMS-kodty habarlamauǧa jäne qoŋyrau şaluşylardyŋ nūsqaulary boiynşa kümändı qosymşalardy jüktemeulerın eskertıŋız. Sūraq: Banktık audarym arqyly jasalyp jürgen - būl qandai aldau shemasy, aityŋyzşy? Iаǧni, aqşa qatelesıp tüsedı, sodan keiın būl alaiaqtardyŋ aila-amaldary ekenı belgılı bolady. Jauap:  İä, alaiaqtardyŋ qatelesıp audaru siiaqty shemasy bar. Mysaly,  sızdıŋ şotyŋyzǧa qandai da bır soma tüsedı. Sodan keiın bır adam qoŋyrau şalyp, «abaisyzda» sızge somany audarǧanyn habarlaidy, ony ol aitqan nömırge qaitarudy sūraidy. Keide mūndai beitanys adamdar tıptı mazalaǧany üşın syiaqy retınde belgılı bır somany qaldyrudy ūsynady. Būl rette alaiaqtar öte senımdı bolady jäne köbınese psihologiialyq ädısterdı qoldanady: aiauşylyq sezımıŋızdı oiatady, asyqtyrady. Köbısı alaiaqtardyŋ äŋgımelerıne senedı jäne kerı audarymdar jasaidy. Alaida, keiınırek sızdıŋ atyŋyzǧa kredit resımdelgenı jäne sız būl aqşany alǧanyŋyz jäne özıŋız audarǧanyŋyz belgılı bolady. Esıŋızde bolsyn: eger sızdıŋ şotyŋyzǧa beitanys jıberuşıden aqşa tüsse jäne sız olar turaly bılmeseŋız, öz bankıŋızge qoŋyrau şalyp, audarymdy boldyrmaudy jäne olardy jıbergen adamǧa qaitarudy sūraŋyz. Alaiaqtyqtyŋ būl türıne qart adamdar, sondai-aq mümkındıgı şekteulı adamdar tüsedı. Aldyn alu şarasy retınde QR Qarjy naryǧyn retteu jäne damytu agenttıgı qarjy ūiymdarynyŋ qaşyqtan basqarylatyn platformalaryna qart adamdarǧa jäne erekşe qajettılıkterı bar adamdarǧa özıne senımdı kömekşını taǧaiyndauǧa mümkındık beretın «ekınşı qol» servisın engızudı josparlap otyr. Būl adam klienttıŋ operasiialary turaly habarlama alady jäne oǧan belgılı bır uaqyt ışınde operasiialardy rastau nemese qabyldamau qūqyǧy berıledı. Sūraq: Men telefon arqyly alaiaqtarǧa özım jäne kartam turaly maŋyzdy aqparatty berdım, endı ne ısteuım kerek? Jauap: Ökınışke orai, maŋyzdy aqparatty jiı alaiaqtardyŋ qolyna beretın adamdardyŋ özderı, öitkenı olar qyraǧylyqtarynan aiyrylyp ärtürlı män-jailarǧa bailanysty dūrys oilau jäne bärın taldau qabıletın joǧaltady. Eger sız derbes derekterıŋızdı, kartaŋyz turaly aqparatty üşınşı tūlǧalarǧa abaisyzda berıp qoisaŋyz, bankıŋızge dereu habarlasyp, oryn alǧan jaǧdai turaly habarlaŋyz jäne şotyŋyzdy jäne barlyq tranzaksiialardy būǧattaudy sūraŋyz. Mındettı türde qūqyq qorǧau organdaryna aryz jazyp, nömırı men tırkelgen künı körsetılgen aryzdyŋ köşırmesın özıŋızge saqtap qoiyŋyz. Sızde qaryz bolmasa da, kredittık tarihyŋyzdy ünemı tekserıp otyryŋyz. Öitkenı alaiaqtardyŋ «ūrlanǧan» qūjattar boiynşa kredit resımdeitın kezderı bolady. Sonymen qatar, derbes kredittık esepten sızdıŋ rūqsatyŋyzsyz qandai qarjy instituttary nemese MQŪ kredit tarihyŋyzdy sūraǧanyn baqylai alasyz. Zaŋ boiynşa Qazaqstannyŋ ärbır azamaty küntızbelık jylyna bır ret derbes kredittık esebın tegın ala alady. Ol üşın kredittık biuroǧa jügınu qajet, Qazaqstanda olar ekeu: Memlekettık kredittık biuro jäne Bırınşı kredittık biuro, sondai-aq HQKO-ǧa nemese kredittık eseptı elektrondyq ükımet veb-portaly arqyly aluǧa bolady. Kredittık tarihta qatelık oryn alatyn jaǧdailar bolady. Mysaly, kreditor qandai da bır aqparatty qate körsetuı. Qarjylyq qyzmetterdı tūtynuşylardyŋ qūqyqtaryn qorǧau jäne qaryz aluşylardyŋ kredittık tarihyn jaqsartu maqsatynda Qazaqstan Respublikasy Qarjy naryǧyn retteu jäne damytu agenttıgı Bırınşı kredittık biuromen bırlesıp, www.fingramota.kz saitynda kredittık tarihtaǧy aqparatty qaşyqtyqtan daulau prosesın engızdı. Sondai-aq kredittık tarihtaǧy aqparatty MKB saitynda «Aqparatty qalai daulaimyz» bölımınde jäne BKB saitynda «Aqparatty daulau» bölımınde daulauǧa bolady.  Būl qyzmet azamattarǧa tegın körsetıledı. Sūraq: Adal kredittık ūiymdardy alaiaqtardan qalai ajyratuǧa bolady? Jauap: Eger sızge aqşa şūǧyl qajet bolsa jäne qysqa merzımdı qaryz alǧyŋyz kelse, bankterge nemese mikroqarjylyq qyzmettı jüzege asyratyn ūiymdarǧa jügınuge bolady. Olardyŋ barlyǧynyŋ qyzmetı Qazaqstan zaŋnamasynyŋ şeŋberınde retteledı jäne olar Qazaqstan Respublikasy Qarjy naryǧyn retteu jäne damytu agenttıgınıŋ lisenziiasyna ie. Kez kelgen kredit - ülken jauapkerşılık ekenın este saqtaŋyz! Sız barlyq täuekelderdı ölşep, özıŋızdıŋ kırısterıŋız ben şyǧyndaryŋyzdy baǧalauyŋyz kerek. Alaida naryqta «qara kreditor» dep atalatyn zaŋsyz kompaniialar bar. Sondyqtan saq bolyŋyz! Būl sızge qandai qauıp töndıredı? Joǧary paiyzdyq mölşerlemelerden, komissiialardan jäne ärtürlı qosymşa tölemderden basqa, olar kredit üşın bastapqy jarnany sūrauy mümkın. Eger sızge öte tiımdı talaptarla kredit ūsynylsa, onda menedjer bergen nemese kompaniianyŋ jarnamasynda körsetılgen barlyq uädeler kelısımşartta naqty körsetılgenıne köz jetkızıŋız. Qazaqstanda şartty resımdeu men mazmūnyna qoiylatyn talaptar zaŋ jüzınde jazylǧan. Alaida lisenziia almaǧan kompaniialar şartty zaŋ normasyna säikes sirek jasaidy. Öz şarttarynda olar talaptardy ūsaq qarıppen nemese olardy ekı ūşty jazauy mümkın, iaǧni talaptardyŋ tūjyrymdamasy naqty emes jäne jaltarmaly boluy mümkın. Mūndai kompaniialar taǧy nesımen qauıptı? Eger sızdıŋ qūjattaryŋyz alaiaqtardyŋ qolyna tüsse, onda olar,  sızdıŋ atyŋyzǧa kredit räsımdei alady, tıptı bıreu ǧana emes, būl turaly sız jaqyn arada bılmeisız, nemese Sızden CVC/CVV-kodtardy qosa alǧanda, bank kartalarynyŋ derekterın sūrap alyp sızdıŋ barlyq şottaryŋyzdy nölge teŋ etuı mümkın. Kreditordy taŋdau kezınde qarapaiym erejelerdı este saqtaŋyz:

1. Ūiymda QR Qarjy naryǧyn retteu jäne damytu agenttıgınıŋ lisenziiasy bar-joǧyn jäne onyŋ Agenttıkte eseptık tırkeuden ötkenın tekserıŋız. Lisenziianyŋ boluyn qarjylyq retteuşısınıŋ www.gov.kz saitynda «Qyzmetı» bölımınde tekseruge bolady;
2. Şartqa qol qoimas būryn ony mūqiiat oqyp şyǧyŋyz. Şartqa qol qoiu arqyly sız kredit ūiymy sızge ūsynatyn talaptarmen tolyq kelısetındıgıŋızdı rastaitynyŋyzdy este saqtaŋyz. Eger sızge tüsınıksız jerı bolsa, menedjerden sūrap naqtylaŋyz. Şartqa bırden qol qoiuǧa asyqpaŋyz, ony üige äkelıp, bärın mūqiiat oqyp şyǧyŋyz.

Barlyq qarjy ūiymdary tırkeuden ötuı tiıs jäne öz qyzmetın jüzege asyru üşın Agenttıktıŋ lisenziiasyna ie boluy tiıs ekenın eske salamyz. Agenttıktıŋ saitynda tırkeuden (qaita tırkeuden) ötken jäne lisenziiasy bar qarjy ūiymdarynyŋ tızılımderı, sondai-aq kümändı kompaniialardyŋ tızımı ornalastyrylǧan. Sūraq: Alaiaqtardyŋ ailasyna tüspes üşın qandai qauıpsızdık erejelerın saqtau kerek? Jauap: Bız saqtaudy ūsynatyn mynadai  qarapaiym qauıpsızdık erejelerı  bar:  Kartochkalar boiynşa:

• PİN-kodty kartaǧa jazbaŋyz jäne ony basqa adamdarǧa aitpaŋyz, ony bankomattar men POS-terminaldardan basqa eş jerge engızbeŋız;
• Kartaŋyzdyŋ tolyq derektemelerın eşkımge aitpaŋyz jäne onyŋ suretın Jelı nemese messendjerlerge salmaŋyz. Eger bıreu sızge aqşa audarǧysy kelse, oǧan kartanyŋ nömırı nemese telefon nömırı ǧana qajet;
• Kartalaryŋyz boiynşa tranzaksiialardyŋ derekterın jedel alyp otyru üşın SMS/Push habarlamalar servisın ıske qosyŋyz jäne onyŋ mätının mūqiiat oqyŋyz, Sız jürgızbegen operasiia turaly habar kelgen jaǧdaida, qūpiiasözdı engızbeŋız jäne bankke qoŋyrau soǧyŋyz;
• Bankten bılıŋız jäne mümkındık bolatyn jaǧdaida, özıŋızdıŋ tölem kartochkaŋyz üşın 3D-Secure (VISA) nemese SecureCode (MasterCard) funksiiasyn qosyp berudı sūraŋyz.

Onlain-tölem jasau jaǧdaiynda:

• Eger sız Jelıde onlain sauda jasaiyn dep jatsaŋyz, saittyŋ şynymen internet-dükenge tiesılı ekenıne köz jetkızıŋız jäne mekenjai jolaǧynda saittyŋ jazyluyn mūqiiat tekserıŋız, ol HTTPS-den jäne jabyq qūlyp simvolynan bastaluǧa tiıs;
• İnternet arqyly satyp aluǧa ǧana arnalǧan jeke karta aşyŋyz;
• Kartanyŋ derekterın kümändı saittarda engızgen bolsaŋyz nemese olardy abailamai alaiaqtarǧa habarlap qoisaŋyz, kartany dereu būǧattau üşın bankke habarlasyŋyz.

Derbes derekter:

• Jeke basty kuälandyratyn qūjattardyŋ köşırmelerın qosa alǧanda, beitanys adamdarǧa eşqaşan özıŋızdıŋ derbes derekterıŋızdı aitpaŋyz jäne jıbermeŋız;
• Derbes aqparatty beru talap etıletın kümändı internet-baiqaular men lotereialarǧa qatysudan aulaq bolyŋyz;
• Özıŋızdıŋ elektrondyq poştaŋyz jäne saittardaǧy jeke kabinetterıŋız üşın kürdelı qūpiiasözderdı qoldanyŋyz. Qūpiiasözder ärtürlı, 10 simvoldan joǧary, qūramynda bas jäne kışı ärıpter, sifrlar jäne arnaiy simvoldar boluǧa tiıs. Qūpiiasözdıŋ sız üşın maŋyzynyŋ bolǧany dūrys jäne esıŋızde oŋai saqtai alatyndai qūpiiasöz oilap tabuǧa tyrysyŋyz. Jäne, ärine, ony qūpiia saqtaŋyz.

Mobildık qosymşalar:

• Özderıŋızdıŋ elektrondyq qūrylǧylaryŋyzǧa kümändı baǧdarlamalar ornatpaŋyz;
• Gadjetterıŋızge qosymşalardy tek resmi dükenderden jükteŋız;
• Olardan internet-banking servisterın ıske qosatyn qūrylǧylarda lisenziialyq antivirustyq baǧdarlamalyq qamtylymdy qoldanyŋyz.