پرەزيدەنت قاسىم-جومارت توقاەۆ الماتىعا كەلدى. اقپاراتتى مەملەكەت باسشىسىنىڭ ءباسپاسوز حاتشىسى بەرىك ءۋالي راستادى، دەپ حابارلايدى "ادىرنا".
"پرەزيدەنتتىڭ الماتىعا كەلگەنىن راستايمىز. ول قالادا وتكەن جەدەل شتاب وتىرىسىنا قاتىستى. سونداي-اق قازا تاپقان پوليتسيا قىزمەتكەرلەرى مەن اسكەري قىزمەتشىلەردىڭ تۋىستارى مەن جاقىندارىمەن كەزدەستى. مەملەكەت باسشىسى قازا تاپقان جانداردىڭ جاقىندارىنا كوڭىل ايتىپ، ماراپاتتارىن تابىس ەتتى", - دەدى بەرىك ءۋالي.سونىمەن قاتار، ءباسپاسوز حاتشىسىنىڭ ايتۋىنشا، مەملەكەت باسشىسى جەدەل باسقارۋ ورتالىعىندا بولىپ، شۇعىل كومەك كورسەتىلەتىن زارداپ شەككەندەرگە بارىپ، ولاردىڭ دەنساۋلىقتارىن ءبىلدى.
"ادىرنا" ۇلتتىق پورتالى
