بۇگىن – حالىقتىڭ العىسى مەن شەكسىز سۇيىسپەنشىلىگىنە بولەنگەن دىنمۇحامەد احمەتۇلى قوناەۆتىڭ تۋعانىنا 110 جىل. ول – اسا كورنەكتى مەملەكەت جانە قوعام قايراتكەرى، ءۇش مارتە سوتسياليستىك ەڭبەك ەرى، قازاق كسر عىلىم اكادەمياسىنىڭ اكادەميگى، تەحنيكا عىلىمدارىنىڭ دوكتورى.
ءبىرتۋار تۇلعا 1912 جىلى 12 قاڭتاردا ۆەرنىي (قازىرگى الماتى) قالاسىندا، قىزمەتكەردىڭ وتباسىندا ومىرگە كەلگەن.
د. قوناەۆ ءوز زامانىنىڭ ۇلى ساياساتكەرى بولا ءبىلدى. ول بيلىك باسىندا بولعان ۋاقىت قايشىلىقتى كۇردەلى، قاراما-قايشىلىقتى بولعانىمەن، ەلدىڭ ەكونوميكاسىن، الەۋمەتتىك سالاسىن، عىلىمىن، ۇلتتىق مادەنيەتىن دامىتۋ ىسىنە ايتۋلى ەڭبەك ءسىڭىردى.
دىنمۇحامەد احمەتۇلى ەل باسقارعان جىلدارى كەڭ بايتاق قازاق جەرىندە 68 جۇمىسشىلار كەنتىمەن 43 قالا پايدا بولدى. ونىڭ ىشىندە، ونەركاسىپ ورتالىعى بولىپ سانالعان رۋدنىي، ەكىباستۇز، شەۆچەنكو (قازىرگى اقتاۋ), نيكولسكي، ستەپنوگورسك، تەمىرتاۋ، جاڭاتاس، كەنتاۋ، ارقالىق قالالارى سالىندى.
مينيسترلەر كەڭەسىنىڭ توراعاسى بولعاندا قوناەۆ اكادەميك اتاعى ءۇشىن وزىنە تولەنەتىن 340 سوم شاماسىنداعى اقىدان باس تارتقانىن بىلەمىز. بۇل اقشانى ول بالالار مەن جاس عالىمدارعا كومەكتەسۋ ماقساتىندا جۇمساۋعا بۇيىردى. وسىنداي كىشىپەيىلدىلىك ونىڭ تۋا ءبىتتى قاسيەتى ەكەنى كوزگە كورىنىپ تۇردى جانە جۇرتتىڭ وعان دەگەن سەنىمىن كۇشەيتتى.
«ادىرنا» ۇلتتىق پورتالى
