Búgin – Dinmuhamed Qonaevtyń týǵan kúni

2267

Búgin – halyqtyń alǵysy men sheksiz súıispenshiligine bólengen Dinmuhamed Ahmetuly Qonaevtyń týǵanyna 110 jyl. Ol – asa kórnekti memleket jáne qoǵam qaıratkeri, úsh márte Soıalıstik Eńbek Eri, Qazaq KSR Ǵylym akademııasynyń akademıgi, tehnıka ǵylymdarynyń doktory.

Birtýar tulǵa 1912 jyly 12 qańtarda Vernyı (qazirgi Almaty) qalasynda, qyzmetkerdiń otbasynda ómirge kelgen.

D. Qonaev óz zamanynyń uly saıasatkeri bola bildi. Ol bılik basynda bolǵan ýaqyt qaıshylyqty kúrdeli, qarama-qaıshylyqty bolǵanymen, eldiń ekonomıkasyn, áleýmettik salasyn, ǵylymyn, ulttyq mádenıetin damytý isine aıtýly eńbek sińirdi.

Dinmuhamed Ahmetuly el basqarǵan jyldary keń baıtaq qazaq jerinde 68 jumysshylar kentimen 43 qala paıda boldy. Onyń ishinde, ónerkásip ortalyǵy bolyp sanalǵan Rýdnyı, Ekibastuz, Shevchenko (qazirgi Aqtaý), Nıkolskıı, Stepnogorsk, Temirtaý, Jańatas, Kentaý, Arqalyq qalalary salyndy.

Mınıstrler keńesiniń tóraǵasy bolǵanda Qonaev akademık ataǵy úshin ózine tólenetin 340 som shamasyndaǵy aqydan bas tartqanyn bilemiz. Bul aqshany ol balalar men jas ǵalymdarǵa kómektesý maqsatynda jumsaýǵa buıyrdy. Osyndaı kishipeıildilik onyń týa bitti qasıeti ekeni kózge kórinip turdy jáne jurttyń oǵan degen senimin kúsheıtti.

«Adyrna» ulttyq portaly

Pikirler
Redakııa tańdaýy