ەلدەگى جاپپاي تارتىپسىزدىكتەر كەزىندە كوپتەگەن ادامنىڭ قايتىس بولۋىنا بايلانىستى قر پرەزيدەنتى قاسىم-جومارت توقاەۆ 10 قاڭتاردى جالپىۇلتتىق ازا تۇتۋ كۇنى دەپ جاريالادى.
بۇگىن قازاقستان بويىنشا مەملەكەتتىك تۋ تومەن تۇسىرىلەدى. وسىلايشا، وتان قورعاپ، قازا تاپقان بەيبىت تۇرعىندار مەن اسكەريلەر، پوليتسەيلەر مەن قۇقىق قورعاۋ سالاسىنىڭ قىزمەتكەرلەرىنە قۇرمەت كورسەتىلەدى.
قاقتىعىستا قايتىس بولعان ازاماتتاردىڭ تۋعان-تۋىسى مەن وتباسىنا مەملەكەت باسشىسى قاسىم-جومارت توقاەۆ كوڭىل ايتتى.
«الماتىدا سودىر-لاڭكەستەردىڭ قولىنان اكىمشىلىك عيماراتتار عانا ەمەس، بەيبىت تۇرعىنداردىڭ مۇلكىنە دە زالال كەلدى. سونداي-اق جۇزدەگەن بەيبىت تۇرعىن مەن اسكەري قىزمەتشىنىڭ دەنساۋلىعى مەن ومىرىنە قاتەر ءتوندى. وسى تراگەديالار كەزىندە قايتىس بولعانداردىڭ وتباسىنا كوڭىل ايتامىن»، – دەدى قاسىم-جومارت توقاەۆ.
"ادىرنا" ۇلتتىق پورتالى
