Eldegi jappaı tártipsizdikter kezinde kóptegen adamnyń qaıtys bolýyna baılanysty QR Prezıdenti Qasym-Jomart Toqaev 10 qańtardy Jalpyulttyq aza tutý kúni dep jarııalady.
Búgin Qazaqstan boıynsha Memlekettik tý tómen túsiriledi. Osylaısha, Otan qorǵap, qaza tapqan beıbit turǵyndar men áskerıler, polıeıler men quqyq qorǵaý salasynyń qyzmetkerlerine qurmet kórsetiledi.
Qaqtyǵysta qaıtys bolǵan azamattardyń týǵan-týysy men otbasyna Memleket basshysy Qasym-Jomart Toqaev kóńil aıtty.
«Almatyda sodyr-lańkesterdiń qolynan ákimshilik ǵımarattar ǵana emes, beıbit turǵyndardyń múlkine de zalal keldi. Sondaı-aq júzdegen beıbit turǵyn men áskerı qyzmetshiniń densaýlyǵy men ómirine qater tóndi. Osy tragedııalar kezinde qaıtys bolǵandardyń otbasyna kóńil aıtamyn», – dedi Qasym-Jomart Toqaev.
"Adyrna" ulttyq portaly
