ەردوعان ەردى تۇركيانىڭ XII پرەزيدەنتى قىلعان دومبىرانىڭ ارۋاعى ەدى. دومبىرانىڭ ارۋاعى القاعان ول قازىر كۇللى تۇركى دۇنيەسىن تۇگەندەۋدە. ال ءبىز نە ىستەدىك؟! قىرىق رۋدان قۇرالعان (43 تايپا) قازاقتى ەكى ىشەك، توعىز پەرنەسىمەن ۇيىتقان، ءسويتىپ ءبىر تىلدە سويلەيتىن، ءبىر كوڭىل كەڭىستىگىندە تەربەلەتىن، ءبىر ەنەدەن تۋعانداي ءبىرتۇتاس ەل قىلعان قاسيەتتى دومبىرانى وتىز جىلدان بەرى اياۋسىز قورلاپ كەلەمىز. مىسال كەرەك پە، الىسقا بارماي-اق، كەشەلى-بەرى قازاقستاندىق تەلەارنالار كۇنى-ءتۇنى بەرىپ جاتقان جاڭا جىلدىق شوۋسىماقتاردىڭ دومبىرانى قورلاۋدىڭ ەڭ "جارقىن" ۇلگىسىن كورسەتىپ جاتقانىن ايتساق تا جەتكىلىكتى. كورىپ وتىرعان بولارسىزدار، كەشەدەن بەرى تەلەەفيرلەردەن قولىنا دومبىرا ۇستاعان قازاقتىڭ ءبىر ءانشىسى كورىنگەن جوق. ىلعي ىرباڭداعان ىرباقاي قىز، جىربىڭداعان جىرباقاي جىگىتسىماق ‐ وسپان (تۇرىك) سۇلتاندارىنىڭ گارەمىندەگى اتەك پاتشاعارلارداي بۇراڭ-بۇراڭ ەتكەن. ايتقان اندەرى وڭشەڭ سارت-ساۋاننىڭ اۋەندەرى. قازاقتىقتىڭ ءيسى شىققان ءبىر ءان جوق، وڭشەڭ وزبەكتەن ءھام باسقا جۇرتتاردان ۇرلانعان – پلاگيات!
اعايىن-اۋ، مىناۋ قازاقستان ەمەس، سارتستان عوي! تىلىمىزگە دەيىن "اكا-شۇكا", انىمىزگە دەيىن ء"ولا-ءبىلا" بولىپ وتىز جىلدا وزبەكستاننىڭ ۇلكەن ءبىر ءۋالاياتىنا (پروۆينتسياسىنا) اينالىپپىز. ۇيات قايدا، نامىس قايدا بيلىكتەگى ەل اعالارى، تەلەارنا باسشىلارى؟! الدە سىزدەردىڭ دە تۇپتەرىڭىز سارت پا ەدى؟ سارت بولماساڭىزدار، مىنالارىڭىز نە؟ قازاقتىقتىڭ قادىر-قاسيەتى – دومبىراعا نەگە مۇنشا وشىگىپ، نەگە سونشا شۇيلىكتىڭىزدەر، ەگەر، سارت بولماساڭىزدار؟! سارتسىزدار-اۋ، ءسىرا؟! وندا نە تۇرىس، مىناۋ قارا باقايىنا دەيىن سارتتانعان ەلدىڭ اتىن "سارتستان" قويايىق! جاساسىن، سارت-سۇرت سارتستان!
"ادىرنا" ۇلتتىق پورتالى.
