قىرعىزستاننىڭ رەتتەۋشىسى كەيبىر رەسەيلىك تەلەارنالاردىڭ حابار تاراتۋىن توقتاتتى. قىرعىز رەسپۋبليكاسىنىڭ مادەنيەت، اقپارات، سپورت جانە جاستار ساياساتى مينيسترلىگىنىڭ حابارلاۋىنشا، بۇعان دەيىن جەرگىلىكتى تەلەارنالارعا ليتسەنزيالىق باقىلاۋ جۇرگىزىلگەن. ول «تەلەۆيزيا جانە راديوحابار تاراتۋ تۋرالى» قىرعىز رەسپۋبليكاسىنىڭ زاڭىندا بەلگىلەنگەن ليتسەنزيالىق تالاپتارعا سايكەستىگىن تەكسەرۋ ماقساتىندا جاسالدى.
جۇرگىزىلگەن تەكسەرۋ ناتيجەسىندە جوعارىدا اتالعان ەرەجەنىڭ 31-تارماعىنا سايكەس بۇرىن ەسكەرتۋ جانە ايىپپۇل سالىنعان تەلەارنالاردا مەملەكەتتىك ءتىل جانە ءوندىرىس تۋرالى ەرەجەلەردى ساقتاۋ بويىنشا زاڭ بۇزۋشىلىقتار انىقتالدى.
وسىعان بايلانىستى انالوگتىق حابار تاراتۋعا جانە تسيفرلىق حابار تاراتۋ پاكەتىنە تەلە-راديوارنانى ورنالاستىرۋعا، تاراتۋعا رۇقسات كەلەسى تەلەارنالار ءۇشىن توقتاتىلدى: «8 كانال»، «رتۆ مەديا»، «نتۆ كەيدجي» جانە «دوماشني».
«ايتا كەتەيىك، بەرىلگەن رۇقساتتىڭ كۇشىن جويۋ تۋرالى بەرىلگەن ءوتىنىش نەگىزىندە REN TV ارناسى 2022 جىلدىڭ 1 قاڭتارىنان باستاپ ەفيرگە شىعۋىن توقتاتادى», - دەلىنگەن مادەنيەت مينيسترلىگىنىڭ حابارلاماسىندا.
"ادىرنا" ۇلتتىق پورتالى
