بىزدە ەڭبەك كودەكسىنە ساي ءبىر ادام اپتاسىنا ماكسيمۋم 40 ساعات قانا جۇمىس جاساۋ كەرەك. ايىنا ارتىق ساعات ماكسيمۋم 12 ساعات، جىلىنا 120 ساعاتتان اسپاۋ كەرەك. وسىنى ءبىزدىڭ كوپ جۇمىسشىلار بىلمەيدى. بۇنى قاداعالايتىن ورگان قاعاز جۇزىندە بار، ءىس جۇزىندە تۇك قاتىرمايدى. كەرەك بولسا سونى قاداعالايتىن ورگاننىڭ ءوزى ارتىق ساعات جۇمىس ىستەپ، سول ءۇشىن ەڭبەكاقى المايدى.
قازاقتىڭ وسىندايلىعىن شەتەلدىك كومپانيالار دا ءبىلىپ العان. ول جەردە ىستەيتىن زاڭگەرلەر دە ءوز قالتالارى تولسا بولدى. قازاقتىڭ قامىن ويلامايدى. حالىقتى دا كىنالاۋعا بولمايدى. بۇل نارسەنى كوپ ادام بىلە بەرمەيدى. بۇنى ءبىلىپ العان شەتەلدىك كومپانيالار قازاقتارعا تيىن ايلىق بەرىپ، ەسەك قۇساپ جۇمسايدى. مەنىڭشە وسىلاردى ءبىر رەتكە كەلتىرۋ كەرەك. اكىمشىلىككە قارايتىن ورگان ارى بەرى جۇمىس جاساۋ كەرەك. فيرمالارعا بارسىن، تەكسەرسىن. 21-ءىنشى عاسىردا حالىقتى ەسەك قىلىپ جۇمسايتىن اقىلدى شەتەلدىك پەن جەرگىلىكتى جۇمىس بەرۋشىلەر بولسا زاڭدى تۇردە جازاسىن بەرسىن. وتىرىڭىز دا اپتاسىنا ىستەيتىن ساعاتىڭىزدى ساناڭىز. ارتىق ساعات ىستەسەڭىز قۇزىرەتتى ورگانگا شاعىمدانىڭىز.
