جاڭا ۇيلەردى «اقتەرەك» شارۋا قوجالىعىنىڭ توراعاسى، جامبىل اۋدانىنىڭ قۇرمەتتى ازاماتى، كاسىپكەر تەمىرلان ءشاينۇسىپوۆ شارۋا قوجالىقتىڭ قاراجاتىنا سالعان،
ايتۋلى شاراعا اۋدان اكىمى نۇرلان ەرتاس، اۋداندىق قوعامدىق كەڭەستىڭ توراعاسى باعدات اليەۆ، اۋداندىق ارداگەرلەر القاسىنىڭ توراعاسى باتىرحان مەندەباەۆ، اۋىل تۇرعىندارى جانە باق وكىلدەرى قاتىستى.
نۇرلان ەرتاسۇلى اۋىل تۇرعىندارىن جاڭا قونىستارىمەن قۇتتىقتاپ، ءسوز سويلەدى.
سونداي-اق، اقتەرەك اۋىلىنىڭ ءوسىپ-وركەندەۋىنە ۇلەس قوسقان ازاماتتاردى ماراپاتتادى.
كولەمى 143 شارشى مەتردى قۇرايتىن ءاربىر تۇرعىن ءۇيدى سالۋعا 13 ملن. تەڭگەدەن قاراجات جۇمسالعان.
بۇل ۇيلەر «اقتەرەك» شارۋا قوجالىعىندا جۇمىس ىستەيتىن كوپبالالى وتباسى مەن جاس ماماندارعا بەرىلدى.
اتالعان شارۋا قوجالىق بيىل جىل باسىنان بەرى 10 وتباسىنا باسپانا سىيلادى. 2022 جىلى سالىناتىن تاعى 10 ءۇيدىڭ ىرگەتاسى قۇيىلىپ قويعان.
سونىمەن قاتار اۋىلدىڭ ورتالىق ساياباعىندا «ەڭبەك داڭقى مەموريالدىق كەشەنىنىڭ» اشىلۋ سالتاناتى ءوتتى. 40-قا جۋىق مەملەكەتتىك ناگرادامەن، وردەنمەن ماراپاتتالعان ەڭبەك ارداگەرلەرىنىڭ ەسىمدەرى مەن اتاق داڭقى ءمارمار تاسقا قاشالىپ جازىلعان!
"ادىرنا" ۇلتتىق پورتالى
