Jańa úılerdi «Aqterek» sharýa qojalyǵynyń tóraǵasy, Jambyl aýdanynyń qurmetti azamaty, kásipker Temirlan Shaınúsipov sharýa qojalyqtyń qarajatyna salǵan,
Aıtýly sharaǵa aýdan ákimi Nurlan Ertas, aýdandyq qoǵamdyq keńestiń tóraǵasy Baǵdat Álıev, aýdandyq ardagerler alqasynyń tóraǵasy Batyrhan Mendebaev, aýyl turǵyndary jáne BAQ ókilderi qatysty.
Nurlan Ertasuly aýyl turǵyndaryn jańa qonystarymen quttyqtap, sóz sóıledi.
Sondaı-aq, Aqterek aýylynyń ósip-órkendeýine úles qosqan azamattardy marapattady.
Kólemi 143 sharshy metrdi quraıtyn árbir turǵyn úıdi salýǵa 13 mln. teńgeden qarajat jumsalǵan.
Bul úıler «Aqterek» sharýa qojalyǵynda jumys isteıtin kópbalaly otbasy men jas mamandarǵa berildi.
Atalǵan sharýa qojalyq bıyl jyl basynan beri 10 otbasyna baspana syılady. 2022 jyly salynatyn taǵy 10 úıdiń irgetasy quıylyp qoıǵan.
Sonymen qatar aýyldyń ortalyq saıabaǵynda «Eńbek Dańqy memorıaldyq kesheniniń» ashylý saltanaty ótti. 40-qa jýyq Memlekettik nagradamen, ordenmen marapattalǵan eńbek ardagerleriniń esimderi men ataq dańqy mármár tasqa qashalyp jazylǵan!
"Adyrna" ulttyq portaly
