«وتباسى بانكى» جەر تەلىمىن ساتىپ الۋ ءۇشىن زەينەتاقى جيناقتارىن پايدالانۋ مۇمكىندىگىن ىسكە قوستى، دەپ حابارلايدى LS.
بانك باسشىسى ءلاززات يبراگيموۆانىڭ ايتۋىنشا، مامىلە جەكە تۇرعىن ءۇي قۇرىلىسى، جەكە قوسالقى شارۋاشىلىق ءۇشىن تاعايىندالعان ماقساتپەن جۇزەگە اسىرىلۋى مۇمكىن.
"بۇگىن، 22 جەلتوقساندا ءبىز بۇل ايتىلعان دۇنيەنى ماقساتتى تۇردە پلاتفورمادا ىسكە قوسۋدى جوسپارلاپ وتىرمىز. 24 ايدىڭ ىشىندە بۇل ۋچاسكەدە ءۇي تۇرعىزىپ، ءوز جوسپارىن راستاۋ ءۇشىن بانككە قۇجاتتاردى تاپسىرۋ قاجەت", - دەپ ءتۇسىندىردى ول.
بۇل رەتتە يبراگيموۆا بانككە پايدالانۋعا قابىلداۋ اكتىسى مەن جىلجىمايتىن مۇلىككە تىركەلگەن قۇقىقتار (اۋىرتپالىقتار) جانە ونىڭ تەحنيكالىق سيپاتتامالارى تۋرالى انىقتاما بەرۋ قاجەت ەكەنىن ءتۇسىندىردى.
قۇجاتتار enpf-otbasy.kz پلاتفورماسىندا ونلاين بەرىلەدى.
بۇعان دەيىن «وتباسى بانكى» باسشىسى تۇرعىن ءۇي نارىعىنداعى باعا احۋالىنىڭ قالاي وزگەرگەنى تۋرالى ءوز پىكىرىن ايتقان بولاتىن.
”ادىرنا” ۇلتتىق پورتالى
