الەۋمەتتىك جەلىدە الماتىداعى "الاتاۋ" مەتروستانتسياسىنداعى ءتۇتىننىڭ ۆيدەوسى پايدا بولدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
kris.p.almaty پاراقشاسىندا "مەترودا بىرنارسە جانىپ جاتىر" دەگەن جازباسى بار ۆيدەو پايدا بولدى. ۆيدەودا مەترو توقتاپ، جولاۋشىلار ونىڭ سەبەبىن بىلمەي جاتقانى كورىنەدى.
قالالىق مەتروپوليتەننىڭ ءباسپاسوز قىزمەتى پنەۆماتيكالىق تەجەۋ ىسكە قوسىلعانىن حابارلادى.
"پنەۆماتيكالىق تەجەۋ جۇيەسى ىسكە قوسىلعان كەزدە تەجەگىش قاتتى قىزىپ كەتتى. قازىر ناقتى سەبەپ انىقتالىپ جاتىر، ول ەلەكترودەپوعا جىبەرىلدى", - دەپ ءتۇسىندىردى مەترو قىزمەتكەرلەرى.
كەستە بويىنشا وزگەرىس جوق، الماتى مەتروسى قازىر شتاتتىق رەجيمدە جۇمىس ىستەپ جاتىر.
“ادىرنا” ۇلتتىق پورتالى
