بريتانيالىق «گەنري دجەكسون قوعامى» تالداۋ ورتالىعىندا قازاقستاننىڭ تاۋەلسىزدىك جىلدارىنداعى جەتىستىكتەرى تالقىلاندى.
قازاقستانمەن ىنتىماقتاستىق جونىندەگى جالپىپارتيالىق پارلامەنتتىك توپتىڭ توراعاسى، ۇلىبريتانيا پارلامەنتى قاۋىمدار پالاتاسىنىڭ مۇشەسى بوب ستيۋارت ەلىمىزدىڭ الەۋمەتتىك-ەكونوميكالىق جانە قوعامدىق-ساياسي سالالارىنداعى جەتىستىكتەرىنە توقتالدى. ول قازاقستاننىڭ ورتالىق ازيادا ادام قۇقىقتارىن قورعاۋعا، بەيبىتشىلىك پەن تۇراقتىلىقتى نىعايتۋعا باعىتتالعان جۇمىستارىن جوعارى باعالاپ، «استانا» حالىقارالىق قارجى ورتالىعىنىڭ وڭىرگە ينۆەستيتسيالار تارتۋداعى ايرىقشا ءرولىن اتاپ ءوتتى.
ب.ستيۋارت سونداي-اق، ساياسي جانە ەكونوميكالىق ىرىقتاندىرۋ پروتسەستەرى ارقىلى قازاقستاننىڭ تەرەڭ جانە وڭ وزگەرىستەرگە قول جەتكىزگەنىن اتاپ ءوتتى. ول ۇلىبريتانيانىڭ سەنىمدى دوسى جانە الەۋەتى زور ساۋدا سەرىكتەسى رەتىندە قارالاتىن قازاقستانمەن جان-جاقتى بايلانىستاردى ودان ءارى نىعايتۋدىڭ ماڭىزدىلىعى تۋرالى مالىمدەدى. قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ءزۇلفيا سۇلەيمەنوۆا، كونفەرەنتسياعا ونلاين قوسىلىپ، مەملەكەتتى ودان ءارى دەموكراتيالاندىرۋعا جانە ساياسي جۇيەنى جاڭعىرتۋعا باعىتتالعان ەلدەگى رەفورمالار تۋرالى ەگجەي-تەگجەيلى باياندادى.
