كەلەسى جىلدىڭ باسىندا موڭعوليادا شىڭعىس حان مۇراجايى اشىلادى. ونى سالۋ تۋرالى شەشىمدى ەل ۇكىمەتى 2019 جىلى قابىلدادى. بىر جارىم جىل ىشىندە 6000-نان استام ەسكەرتكىشتەر مەن ارتەفاكتىلەردى ساقتاۋعا بولاتىن مۇراجاي عيماراتى سالىندى، دەپ حابارلايدى "ادىرنا" ۇلتتىق پورتالى.
مۇراجاي قىزمەتكەرىنىڭ ايتۋىنشا، بۇل تەك شىڭعىسحان مۇراجايى عانا ەمەس، سونىمەن بىرگە ونىڭ ەسىمىمەن اتالعان ۇلتتىق مۋزەي.
سونىمەن قاتار، موڭعول شەبەرلەرى جاساعان جاڭا بىرەگەي ەكسپوناتتار ورنالاستىرىلادى دەگەن قاۋەسەت بار. مۇراجايدىڭ جوعارعى جاعىندا بيىكتىگى بەس مەتر التىن جالاتىلعان سۇڭقار قويىلدى. مۇراجايدىڭ ىشىندە بيىكتىگى ءۇش مەترگە جۋىق تازا التىننان جاسالعان شىڭعىسحان ءمۇسىنى ورنالاسادى. التىن ءمۇسىندى ەلدىڭ ەڭبەك سىڭىرگەن سۋرەتشىسى جانە ءمۇسىنشى ل. بولد جاساعان. سونداي-اق موڭعول شەبەرلەرى موڭعول يمپەرياسىنىڭ ەجەلگى استاناسى قاراقورىمدى 3D تەحنولوگياسىمەن جوبالايدى.
مۇراجاي كەڭىستىگىنە كەلەتىن بولساق، ول ازيادا بەسىنشى ورىندا. شەنەۋنىكتەر الەمدەگى ەڭ ۇلكەن مۇراجايدا قولدانىلاتىن قاۋىپسىزدىك جۇيەسى ورناتىلادى دەيدى.
ساراپشىلاردىڭ پىكىرىنشە، كورەيادا 6 ميلليارد تۋگريككە (2,1 ميلليون دوللار) تاپسىرىس بەرىلگەن مۇراجايدىڭ اينەك ۆيترينالارى الەمدەگى ەڭ زاماناۋي تەحنولوگيالاردى قولدانا وتىرىپ جاسالعان مۇراجايلارعا ارنالعان اۆتوماتتى ۆاكۋمدىق تەحنولوگيا بولىپ تابىلادى.
مۇراجايدىڭ شىعىس قابىرعاسىندا بيندەر پەتروگليفتەرىنە جازىلعان 1000 — نان استام تاڭبا نەمەسە ەجەلگى موڭعول تايپالارىنىڭ مورلەرى، ال قاسبەتتىڭ جوعارعى جاعىندا ۇلى موڭعول حااندارىنىڭ مورلەرى ورنالاسقان.
"ادىرنا" ۇلتتىق پورتالى
