بەلگىلى زاڭگەر جانگەلدى سۇلەيمەنوۆ تۇركىستان وبلىسىنىڭ اكىمى ومىرزاق شوكەەۆتىڭ جالاقىسى تۋرالى ايتتى، دەپ حابارلايدى “ادىرنا” ۇلتتىق پورتالى.
جاقىندا اكىم 1 ملن 900 مىڭ تەڭگە جالاقى الاتىنىن ايتقان. ونىڭ ايتۋىنشا، جالاقى ۇكىمەت قاۋلىسىمەن رەتتەلەدى.
بۇل رەتتە زاڭگەر قاراپايىم حالىقتان 20 ەسە كوپ الاتىن شەنەۋنىكتەردىڭ تابىسىن اسىرا باعالاۋ ادىلەتسىزدىك ەكەنىن ايتتى. ول مۇنى ەكونوميكالىق تەڭسىزدىك دەپ سانايدى.
«دەتسيل كوەففيتسيەنتى – ەڭ باي 10 پايىزدىڭ جيىنتىق تابىسىنىڭ ەڭ كەدەي 10 پايىزدىڭ جيىنتىق تابىسىنا قاتىناسى. تەوريالىق تۇرعىدان العاندا، بارلىق شەنەۋنىكتەر ەڭ باي 10 پايىزدىڭ قاتارىنا كىرمەۋى كەرەك، بىراق ولاردىڭ اراسىندا بۇل 475 مىڭدى بىلدىرەدى. بۇل قازاقستان رەسپۋبليكاسىنداعى بارلىق شەنەۋنىكتەرگە ارنالعان ماكسيمۋم. ياعني، شەنەۋنىكتەر كەدەيلەرگە قاراعاندا 4,75 ەسەدەن كوپ ەمەس الۋى كەرەك» دەپ جازدى ول Facebook-تە.
قازاقستاننىڭ ەرەسەك حالقىنىڭ سانى 14 ملن ادام. زاڭگەردىڭ ايتۋىنشا، ەڭ كەدەيلەردىڭ 10 پايىزى (1,4 ملن) ايىنا ەڭ كوبى 100 مىڭ تەڭگە الادى. ءبىزدىڭ ەلدە رەسمي دەرەكتەر بويىنشا دەتسيلدىك كوەففيتسيەنت 8,5 قۇرايدى. بۇل ەڭ باي 10 پايىز (1,4 ملن) ايىنا كەمىندە 850 مىڭ الادى دەگەن ءسوز.
«نەگىزى اكىمدەر ەكى ميلليونعا دەيىن الادى، بۇل تيىسىنشە بەس ەسە كوپ. بۇل قيعاشتىق دەپ اتالادى. نە كەدەيلەردىڭ جالاقىسىن ايىنا 421 مىڭعا دەيىن كوتەرۋ كەرەك، نە اكىمدەردىڭ ايلىعىن 475 مىڭعا دەيىن ازايتۋ كەرەك. ەسەپتەر شامامەن الىنعان، ءمانى دالدىگىنەن وزگەرمەيدى. شەنەۋنىكتەر قاراپايىم حالىقتان 20 ەسە كوپ تابىس تاپپاۋى كەرەك» دەدى ول.
“ادىرنا” ۇلتتىق پورتالى
