Belgili zańger Jangeldi Súleımenov Túrkistan oblysynyń ákimi Ómirzaq Shókeevtiń jalaqysy týraly aıtty, dep habarlaıdy “Adyrna” ulttyq portaly.
Jaqynda ákim 1 mln 900 myń teńge jalaqy alatynyn aıtqan. Onyń aıtýynsha, jalaqy úkimet qaýlysymen retteledi.
Bul rette zańger qarapaıym halyqtan 20 ese kóp alatyn sheneýnikterdiń tabysyn asyra baǵalaý ádiletsizdik ekenin aıtty. Ol muny ekonomıkalyq teńsizdik dep sanaıdy.
«Deıl koeffııenti – eń baı 10 paıyzdyń jıyntyq tabysynyń eń kedeı 10 paıyzdyń jıyntyq tabysyna qatynasy. Teorııalyq turǵydan alǵanda, barlyq sheneýnikter eń baı 10 paıyzdyń qataryna kirmeýi kerek, biraq olardyń arasynda bul 475 myńdy bildiredi. Bul Qazaqstan Respýblıkasyndaǵy barlyq sheneýnikterge arnalǵan maksımým. Iaǵnı, sheneýnikter kedeılerge qaraǵanda 4,75 eseden kóp emes alýy kerek» dep jazdy ol Facebook-te.
Qazaqstannyń eresek halqynyń sany 14 mln adam. Zańgerdiń aıtýynsha, eń kedeılerdiń 10 paıyzy (1,4 mln) aıyna eń kóbi 100 myń teńge alady. Bizdiń elde resmı derekter boıynsha deıldik koeffııent 8,5 quraıdy. Bul eń baı 10 paıyz (1,4 mln) aıyna keminde 850 myń alady degen sóz.
«Negizi ákimder eki mıllıonǵa deıin alady, bul tıisinshe bes ese kóp. Bul qıǵashtyq dep atalady. Ne kedeılerdiń jalaqysyn aıyna 421 myńǵa deıin kóterý kerek, ne ákimderdiń aılyǵyn 475 myńǵa deıin azaıtý kerek. Esepter shamamen alynǵan, máni dáldiginen ózgermeıdi. Sheneýnikter qarapaıym halyqtan 20 ese kóp tabys tappaýy kerek» dedi ol.
“Adyrna” ulttyq portaly
