قازاقستاننىڭ ۇلتتىق بانكى TÁÝELSIZ QAZAQSTANǴA 30 JYL كوللەكتسيالىق مونەتالارىن اينالىمعا شىعارادى، - دەپ حابارلايدى "ادىرنا" ۇلتتىق پورتالى.
5000 جانە 500 تەڭگەلىك كۇمىستەن جانە 100 تەڭگەلىك مەلحيوردان جاسالعان مونەتالار «كورنەكتى وقيعالار مەن ادامدار» سەرياسىن جالعاستىراتىنى اتاپ ءوتىلدى.
"TÁÝELSIZ QAZAQSTANǴA 30 JYL مونەتالارىنىڭ ديزاينى كورنەكتى تاريحي تۇلعالاردىڭ پورترەتتەرى بەينەلەنگەن تاۋەلسىز قازاقستاننىڭ 1993 جىلعى ۇلگىسىندەگى بانكنوتتاردىڭ ءبىرىنشى سەرياسىمەن سيمۆولدىق بايلانىستى كورسەتەدى. كومپوزيتسيا ۆيزۋالدى پورترەت سەرياسىن تولىقتىرىپ، مەملەكەت تاريحىنداعى ماڭىزدى وقيعا تاۋەلسىزدىك مەرەيتويىن لوگيكالىق تۇردە بەلگىلەيدى»، - دەلىنگەن حابارلامادا.
كۇمىس مونەتالار التىن جالاتۋ تەحنولوگياسىمەن، ءتۇرلى-ءتۇستى باسپامەن جاسالادى. ينتەرفەرەنتسيالىق يريدەستسەنتتى جابۋ تەحنولوگياسى مونەتالاردىڭ بارلىق تۇرلەرىنە قولدانىلعان. ولاردىڭ بەتكى جانە ارتقى جاقتارىنىڭ بىردەي كەسكىندەرى بار.
مونەتالاردا شوقان ءۋاليحانوۆ، ابىلقايىر حان، قۇرمانعازى ساعىربايۇلى، ءسۇيىنباي ارونۇلى، ابىلاي حان، نۇرسۇلتان نازارباەۆ، ءال-فارابي جانە اباي بەينەلەنگەنىنە نازار اۋدارىڭىز. ولاردىڭ پورترەتتەرى ۇلتتىق ۆاليۋتانىڭ ديزاينىندا بۇرىن دا قولدانىلعان بولاتىن.
مونەتالاردىڭ بەت جاعىندا (اۆەرسىندە) نومينالى، ۇلتتىق بانكتىڭ لوگوتيپى جانە مونەتانىڭ مەتالىن، تازالىعىن جانە ماسساسىن بىلدىرەتىن جازۋ بار. اينالدىرا – QAZAQSTAN RESPÝBLIKASY • قازاقستان رەسپۋبليكاسى دەگەن جازۋ بار.
مونەتالاردىڭ سىرت جاعىندا (رەۆەرسىندە) – قازاقستان رەسپۋبليكاسىنىڭ مەملەكەتتىك تۋى، قازاقستان رەسپۋبليكاسىنىڭ كارتاسى، پورترەت قاتارى، قازاقتىڭ كيىز ءۇيى (باسقۇر) دەكورى تۇرىندە جاسالعان ساندىك لەنتا جانە رەسمي سۋرەت بەينەلەنگەن. بۇل قازاقستان تاۋەلسىزدىگىنىڭ 30 جىلدىعىن مەرەكەلەۋدىڭ لوگوتيپى رەتىندە ەستە قالماق.
مونەتالار:
سىنامدى كۇمىستەن 925/1000 پروبالى، سالماعى 933 گرامم (30 ۋنتسيا), ديامەترى 100 مم، نومينالى 5 000 تەڭگە، تارالىمى 300 دانا;
سىنامدى كۇمىستەن 925/1000 پروبالى، سالماعى 31,1 گرامم، ديامەترى 38,61 مم، نومينالى 500 تەڭگە، تارالىمى 3 000 دانا;
مەلحيور MN 25 قورىتپاسىنان جاسالعان prof-ءتارىزدى ساپالى، سالماعى 15 گرامم، ديامەترى 33 مم، نومينالى 100 تەڭگە، تارالىمى 30 000 (وتىز مىڭ) دانا شىعارىلدى.
ۇلتتىق بانك مونەتالاردى شىعارۋ كۇنى تۋرالى اقپاراتتى كەيىنىرەك بەرۋگە ۋادە بەردى.
2020 جىلى ۇلتتىق بانك «كورنەكتى وقيعالار مەن ادامدار» سەرياسىنا جاتاتىن نۇرسۇلتان نازارباەۆ Qazaqstannyń astanasy – Nur-Sultan بەينەلەنگەن كوللەكتسيالىق مونەتانى اينالىمعا شىعاردى. ونىڭ نومينالدى قۇنى 1000 تەڭگە.
"ادىرنا" ۇلتتىق پورتالى
