Qazaqstannyń Ulttyq banki TÁÝELSIZ QAZAQSTANǴA 30 JYL kollekııalyq monetalaryn aınalymǵa shyǵarady, - dep habarlaıdy "Adyrna" ulttyq portaly.
5000 jáne 500 teńgelik kúmisten jáne 100 teńgelik melhıordan jasalǵan monetalar «Kórnekti oqıǵalar men adamdar» serııasyn jalǵastyratyny atap ótildi.
"TÁÝELSIZ QAZAQSTANǴA 30 JYL monetalarynyń dızaıny kórnekti tarıhı tulǵalardyń portretteri beınelengen táýelsiz Qazaqstannyń 1993 jylǵy úlgisindegi banknottardyń birinshi serııasymen sımvoldyq baılanysty kórsetedi. Kompozıııa vızýaldy portret serııasyn tolyqtyryp, memleket tarıhyndaǵy mańyzdy oqıǵa táýelsizdik mereıtoıyn logıkalyq túrde belgileıdi», - delingen habarlamada.
Kúmis monetalar altyn jalatý tehnologııasymen, túrli-tústi baspamen jasalady. Interferenııalyq ırıdesentti jabý tehnologııasy monetalardyń barlyq túrlerine qoldanylǵan. Olardyń betki jáne artqy jaqtarynyń birdeı keskinderi bar.
Monetalarda Shoqan Ýálıhanov, Ábilqaıyr han, Qurmanǵazy Saǵyrbaıuly, Súıinbaı Aronuly, Abylaı han, Nursultan Nazarbaev, ál-Farabı jáne Abaı beınelengenine nazar aýdaryńyz. Olardyń portretteri ulttyq valıýtanyń dızaınynda buryn da qoldanylǵan bolatyn.
Monetalardyń bet jaǵynda (aversinde) nomınaly, Ulttyq banktiń logotıpi jáne monetanyń metalyn, tazalyǵyn jáne massasyn bildiretin jazý bar. Aınaldyra – QAZAQSTAN RESPÝBLIKASY • QAZAQSTAN RESPÝBLIKASY degen jazý bar.
Monetalardyń syrt jaǵynda (reversinde) – Qazaqstan Respýblıkasynyń Memlekettik týy, Qazaqstan Respýblıkasynyń kartasy, portret qatary, qazaqtyń kıiz úıi (basqur) dekory túrinde jasalǵan sándik lenta jáne resmı sýret beınelengen. Bul Qazaqstan Táýelsizdiginiń 30 jyldyǵyn merekeleýdiń logotıpi retinde este qalmaq.
Monetalar:
synamdy kúmisten 925/1000 probaly, salmaǵy 933 gramm (30 ýnııa), dıametri 100 mm, nomınaly 5 000 teńge, taralymy 300 dana;
synamdy kúmisten 925/1000 probaly, salmaǵy 31,1 gramm, dıametri 38,61 mm, nomınaly 500 teńge, taralymy 3 000 dana;
melhıor MN 25 qorytpasynan jasalǵan prof-tárizdi sapaly, salmaǵy 15 gramm, dıametri 33 mm, nomınaly 100 teńge, taralymy 30 000 (otyz myń) dana shyǵaryldy.
Ulttyq bank monetalardy shyǵarý kúni týraly aqparatty keıinirek berýge ýáde berdi.
2020 jyly Ulttyq bank «Kórnekti oqıǵalar men adamdar» serııasyna jatatyn Nursultan Nazarbaev Qazaqstannyń astanasy – Nur-Sultan beınelengen kollekııalyq monetany aınalymǵa shyǵardy. Onyń nomınaldy quny 1000 teńge.
"Adyrna" ulttyq portaly
