الماتى قالاسىنداعى نازارباەۆ زياتكەرلىك مەكتەبىندە مەكتەپتىڭ ءوزىن-ءوزى باسقارۋ پرەزيدەنتتەرىنە ارنالعان «مەنىڭ جاۋاپكەرشىلىگىم – ءبىزدىڭ بولاشاعىمىز» اتتى كوشباسشىلار فورۋمى ءوتتى.
ەكى كۇن بويى كوشباسشىلار مەكتەپتەگى ءوزىن-ءوزى باسقارۋ تاجىريبەسىمەن ءبولىستى، سونىمەن قاتار كوشباسشىلىق قاسيەتتەردى دامىتۋ جانە كوماندانى باسقارۋداعى جەكە داعدىلاردى جەتىلدىرۋ بويىنشا شەبەرلىك ساباقتارى مەن ترەنينگتەر ءوتتى.
پىكىرتالاس الاڭىندا كوشباسشىلار «NIS وقۋشىلارىنىڭ پاتريوتتىق، زياتكەرلىك، فيزيكالىق، مادەني دامۋىندا ءوزىن-ءوزى باسقارۋ ۇيىمىنىڭ ءرولى قانداي؟» وزەكتى ماسەلە بويىنشا باياندامالار جاسادى. ءار زياتكەرلىك مەكتەپتىڭ كوشباسشىسى ءتۇرلى باعىتتاعى ەكسكليۋزيۆتى جوبالارىن ۇسىندى.
تالدىقورعان قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى ەرەناي قاراتاەۆا «ەرىكتىلىك – كوشباسشىلىق قاسيەتتەردى دامىتۋدىڭ نەگىزگى قۇرالدارىنىڭ ءبىرى» تاقىرىبىندا بايانداما جاسادى.
ەرەنايدىن ايتۋىنشا قوعامعا قىزمەت ەتۋگە باعىتتالعان الەۋمەتتىك جوبالارعا بەلسەنە قاتىسۋ مەكتەپ پەن قوعام الدىنداعى جاۋاپكەرشىلىكتى ارتتىرادى جانە باسەكەگە قابىلەتتى، تاۋەلسىز شەشىم قابىلداۋعا قابىلەتتى تۇلعانى قالىپتاستىرۋعا ىقپال ەتەدى.
سونىمەن قاتار NIS كوشباسشىلارى ءۇشىن پسيحولوگيا عىلىمدارىنىڭ دوكتورى، SKILLFOLIO ءبىلىم بەرۋ پلاتفورماسىنىڭ نەگىزىن قالاۋشى ۆيكتوريا شيمانسكايا، دجوردج ۆاشينگتون ۋنيۆەرسيتەتىنىڭ پروفەسسورى دانيار قوسنازاروۆ، قازاقستان-كورەيا كلينيكاسىنىڭ توپ-مەنەدجەرلەرىمەن جانە مەديتسينا عىلىمدارىنىڭ دوكتورى عالىمجان توعىزباەۆ - تاماشا كەزدەسۋلەر ۇيىمداستىرىلدى.
فورۋم وتە قىزىقتى ءارى مازمۇندى ءوتتى. ءبىز كوشباسشىنىڭ كىم ەكەنىن، كوشباسشىلىق قابىلەتتەرىمىزدى قالاي دۇرىس پايدالانۋ كەرەكتىگىن، ونى قالاي دامىتۋ كەرەكتىگىن جانە كوماندامىزدى قالاي قولداۋ كەرەكتىگىن بىلدىك. بۇل ۇمىتىلماس تاجىريبە جانە بۇل تانىسۋ بارشامىزعا نازارباەۆ زياتكەرلىك مەكتەپتەرىنە ورتاق اۋقىمدى جوبالاردى جۇزەگە اسىرۋعا كومەكتەسەدى دەپ ويلايمىن»، - دەيدى 11- سىنىپ وقۋشىسى، تالدىقورعان قالاسىنداعى NIS مەكتەبىنىڭ ءوزىن-ءوزى باسقارۋ ۇيىمىنىڭ ليدەرى ەرەناي قاراتاەۆا.
