Almaty qalasyndaǵy Nazarbaev Zııatkerlik mektebinde mekteptiń ózin-ózi basqarý prezıdentterine arnalǵan «Meniń jaýapkershiligim – bizdiń bolashaǵymyz» atty kóshbasshylar forýmy ótti.
Eki kún boıy kóshbasshylar mekteptegi ózin-ózi basqarý tájirıbesimen bólisti, sonymen qatar kóshbasshylyq qasıetterdi damytý jáne komandany basqarýdaǵy jeke daǵdylardy jetildirý boıynsha sheberlik sabaqtary men trenıngter ótti.
Pikirtalas alańynda kóshbasshylar «NIS oqýshylarynyń patrıottyq, zııatkerlik, fızıkalyq, mádenı damýynda ózin-ózi basqarý uıymynyń róli qandaı?» ózekti másele boıynsha baıandamalar jasady. Ár Zııatkerlik mekteptiń kóshbasshysy túrli baǵyttaǵy eksklıýzıvti jobalaryn usyndy.
Taldyqorǵan qalasyndaǵy Nazarbaev Zııatkerlik mektebiniń 11-synyp oqýshysy Erenaı Qarataeva «Eriktilik – kóshbasshylyq qasıetterdi damytýdyń negizgi quraldarynyń biri» taqyrybynda baıandama jasady.
Erenaıdyn aıtýynsha qoǵamǵa qyzmet etýge baǵyttalǵan áleýmettik jobalarǵa belsene qatysý mektep pen qoǵam aldyndaǵy jaýapkershilikti arttyrady jáne básekege qabiletti, táýelsiz sheshim qabyldaýǵa qabiletti tulǵany qalyptastyrýǵa yqpal etedi.
Sonymen qatar NIS kóshbasshylary úshin psıhologııa ǵylymdarynyń doktory, SKILLFOLIO bilim berý platformasynyń negizin qalaýshy Vıktorııa Shımanskaıa, Djordj Vashıngton ýnıversıtetiniń professory Danııar Qosnazarov, Qazaqstan-Koreıa klınıkasynyń top-menedjerlerimen jáne medıına ǵylymdarynyń doktory Ǵalymjan Toǵyzbaev - tamasha kezdesýler uıymdastyryldy.
Forým óte qyzyqty ári mazmundy ótti. Biz kóshbasshynyń kim ekenin, kóshbasshylyq qabiletterimizdi qalaı durys paıdalaný kerektigin, ony qalaı damytý kerektigin jáne komandamyzdy qalaı qoldaý kerektigin bildik. Bul umytylmas tájirıbe jáne bul tanysý barshamyzǵa Nazarbaev Zııatkerlik mektepterine ortaq aýqymdy jobalardy júzege asyrýǵa kómektesedi dep oılaımyn», - deıdi 11- synyp oqýshysy, Taldyqorǵan qalasyndaǵy NIS mektebiniń ózin-ózi basqarý uıymynyń lıderi Erenaı Qarataeva.
