شىمكەنت قالاسىندا بۇگىندە 45 بەكەتتە ۆاكتسينالاۋ جۇمىستارى قارقىندى جۇرگىزىلۋدە. ەگۋ ناۋقانى باستالعالى بارلىعى 419 934 ادام ۆاكتسينالاندى. ونىڭ ىشىندە 352 329 ادام ۆاكتسينانىڭ ەكى كومپونەنتىن الدى.
بۇگىندە مەديتسينالىق قىزمەتكەرلەردى ۆاكتسينالاۋ 100 پايىز، قۇقىق قورعاۋ قىزمەتكەرلەرىن 100, مۇعالىمدەر 180, سوزىلمالى اۋرۋلارى بار ازاماتتار 61,1, ستۋدەنتتەردى ۆاكتسينالاۋ 166 پايىزعا ورىندالدى. ازاماتتارعا ۆاكتسينانىڭ سپۋتنيك، QazCOVID-In, Hayat-Vax, CoronaVAC, Vero CELL تۇرلەرى ەگىلۋدە.
قالا اكىمدىگى جانىنان اشىلعان call-center تاۋلىك بويى جۇمىس ىستەۋدە. قالاداعى بيزنەس سۋبەكتىلەرى ءۇشىن «Ashyq» جوباسى ەنگىزىلگەن بولاتىن. بيزنەس سۋبەكتىلەرىنە كەلۋشىلەردىڭ مارتەبەسىن انىقتاۋ بارىسىندا «قىزىل» جانە «سارى» مارتەبەلى ازاماتتار انىقتالدى.
شاھاردا ASHYQ جوباسىنا قوسىلعان بيزنەس سۋبەكتىلەرىنىڭ سانى 8114-كە جەتتى. قازىرگى كەزدە 441 تۇرعىننان «سارى» ستاتۋس، 863 تۇرعىننان «قىزىل» ستاتۋس انىقتالىپ وتىر.
سونداي-اق، 21-27 تامىز ارالىعىندا قالادا 2546 نىسانعا تەكسەرۋ جۇمىستارى جۇرگىزىلدى. ونىڭ ىشىندە 79 كارانتيندىك تالاپتاردى بۇزۋ فاكتىلەرى تىركەلدى.
