27 جاستاعى وركەن قىزىلوردا وبلىسىنداعى جەكە كومپانيالاردىڭ بىرىندە ەڭبەك ەتىپ ءجۇرىپ، جۇمىس ورنىندا اۋىر جاراقاتتانىپ، اۋرۋحاناعا ءتۇسىپ قالادى. قىزىلوردا قالاسىنداعى مەديتسينا ماماندارى ناۋقاسقا العاشقى مەديتسينالىق كومەك كورسەتىپ، ساناۆياتسيا قىزمەتىمەن شىمكەنت قالاسىنداعى ت.ورىنباەۆ اتىنداعى گيپەرباريالىق وكسيگەناتسيا ورتالىعىنىڭ دارىگەرلەرىن كونسۋلتاتسياعا شاقىرعان. ناتيجەسىندە شىمكەنتتىك دارىگەرلەر اۋىر ناۋقاستى تەكسەرە كەلە، ءومىرىن امان الىپ قالۋ ءۇشىن ساناۆياتسيا قىزىمەتىمەن ت.ورىنباەۆ اتىنداعى گيپەرباريالىق وكسيگەناتسيا ورتالىعىنا اۋىستىرعان.
ورتالىق دارىگەرلەرى ناۋقاستىڭ دەنەسىنىڭ 92 پايىزى كۇيىك شالعانىن انىقتاپ، «تەرميالىق كۇيىك» دياگنوزىمەن جانساقتاۋ بولىمىنە جاتقىزادى. ورتالىقتىڭ بىلىكتى دارىگەرلەرى اۋىر ناۋقاستىڭ اياعىنان تۇرىپ كەتۋىنە بارىنشا كۇش سالىپ، ءومىرىن امان ساقتاپ قالدى. ءبىر اپتاعا جۋىق جان ساقتاۋ بولىمىندە جاتقان ناۋقاستى پالاتاعا اۋىستىرعان.
ايتا كەتۋ كەرەك، ەكى اپتادان اسا ەم العان وركەنننىڭ بۇگىندە الىپ جاتقان ەمى وڭ ناتيجە بەرىپ، قازىر جاعدايى جاقسارعان. “اجالدان امان قالىپ، قايتادان تۋىلعانداي بولىپ وتىرمىن. مەنى ومىرگە ەكىنشى رەت الىپ كەلگەن دارىگەرلەرگە راقمەت”-دەيدى وركەن.
ال ورتالىقتىڭ باس دارىگەرى م.ەرماحانبەتوۆا دەنەسىن تولىق كۇيىك شالعان ناۋقاستىڭ قازىرگى جاعدايى جاقسارىپ، كۇيىك شالعان جەرلەرى جازىلىپ كەلەتىندىگىن، ءتىپتى كەلەسى اپتادا ۇيىنە شىعارۋدى جوسپارلاپ وتىرعاندىعىن جەتكىزدى.
