Şymkenttık därıgerler denesın küiık şalǧan jıgıttı aman alyp qaldy

27 jastaǧy Örken Qyzylorda oblysyndaǧy jeke kompaniialardyŋ bırınde eŋbek etıp jürıp, jūmys ornynda auyr jaraqattanyp, auruhanaǧa tüsıp qalady. Qyzylorda qalasyndaǧy medisina mamandary nauqasqa alǧaşqy medisinalyq kömek körsetıp, sanaviasiia qyzmetımen Şymkent qalasyndaǧy T.Orynbaev atyndaǧy giperbariialyq oksigenasiia ortalyǧynyŋ därıgerlerın konsultasiiaǧa şaqyrǧan. Nätijesınde şymkenttık därıgerler auyr nauqasty teksere kele, ömırın aman alyp qalu üşın sanaviasiia qyzymetımen T.Orynbaev atyndaǧy giperbariialyq oksigenasiia ortalyǧyna auystyrǧan. Ortalyq därıgerlerı nauqastyŋ denesınıŋ 92 paiyzy küiık şalǧanyn anyqtap, «termiialyq küiık» diagnozymen jansaqtau bölımıne jatqyzady. Ortalyqtyŋ bılıktı därıgerlerı auyr nauqastyŋ aiaǧynan tūryp ketuıne barynşa küş salyp, ömırın aman saqtap qaldy. Bır aptaǧa juyq jan saqtau bölımınde jatqan nauqasty palataǧa auystyrǧan. Aita ketu kerek, ekı aptadan asa em alǧan Örkennnıŋ bügınde alyp jatqan emı oŋ nätije berıp, qazır jaǧdaiy jaqsarǧan. “Ajaldan aman qalyp, qaitadan tuylǧandai bolyp otyrmyn. Menı ömırge ekınşı ret alyp kelgen därıgerlerge raqmet”-deidı Örken. Al ortalyqtyŋ bas därıgerı M.Ermahanbetova denesın tolyq küiık şalǧan nauqastyŋ qazırgı jaǧdaiy jaqsaryp, küiık şalǧan jerlerı jazylyp keletındıgın, tıptı kelesı aptada üiıne şyǧarudy josparlap otyrǧandyǧyn jetkızdı.