شىمكەنت تۇرعىنى گۇلزينا قوجابەكوۆا «مەن كاسىپكەر بولامىن» باعدارلاماسى ارقىلى ءوزىنىڭ جەكە ەمحاناسىن اشقان. ايەلدەرگە ارنالعان جەڭىلدەتىلگەن نەسيە بار ەكەنىن ەسىتىپ، «Shymkent» اكك» اق-نىڭ كاسىپكەرلەرگە ارنالعان فرون-وفيسىنە بارادى.
«پاندەميا كەزىندە ءبىراز ادام كاسىبىن جۇرگىزە الماي قينالىپ قالدى. ال، ءبىز كەرىسىنشە قيىن ۋاقىتتا جۇمىسىمىزعا كىرىسىپ، قانشاما جانعا جاڭا ءومىر سىيلادىق. ايەلدەر كاسىپكەرلىگىن قولداۋ ماقساتىندا 1 پايىزدىق جەڭىلدەتىلگەن نەسيە بارىن ەستىپ، فرونت-وفيسكە كەڭەس الۋعا باردىم. ونداعىلار 21-58 جاستاعى كاسىپكەرلەرگە ارنالعان باعدارلاما ەكەنىن ءتۇسىندىرىپ، قانداي قۇجاتتار كەرەكتىگىن ايتتى. بۇل باعدارلاما ءبىز سياقتى كاسىبىن ەندى باستاعاندارعا ۇلكەن كومەك. ءوزىم قانشا جىل قالالىق اۋرۋحانادا گينەكولوگ بولىپ قىزمەت اتقاردىم. جەكە ەمحانا اشۋ ۇلكەن ارمانىم بولاتىن. اتالمىش باعدارلامانىڭ ارقاسىندا ەمحاناعا قاجەتتى قۇرال-جابدىقتاردى الىپ، قازىرگى تاڭدا 7 ادامدى جۇمىسپەن قامتىپ وتىرمىن. جۇمىس جاسايمىن دەگەنگە قازىرگى تاڭدا مەملەكەت تاراپىنان كوپتەگەن كومەك كورسەتىلۋدە. تەك قانا العىس بىلدىرەمىن، - دەيدى «كوجابەكوۆا جشس» جەتەكشىسى گۇلزينا سايدۋللاقىزى.
ەمحانا نۇرسات شاعىن اۋدانىندا ورنالاسقان. گينەكولوگيالىق ورتالىقتا جاتىر مويىنى پاتولوگياسىن ەمدەيدى. جاڭا يننوۆاتسيالىق تەحنولوگيالار ارقىلى اۋرۋدى دەر كەزىندە انىقتاۋعا مۇمكىندىك بار.
مەملەكەت تاراپىنان قولداۋ كورسەتىلىپ، جەڭىلدىكتەر قاراستىرىلعاندىقتان ولار ءوز تاراپىنان مەملەكەتتىك الەۋمەتتىك مەديتسينالىق ساقتاندىرۋ باعدارلاماسى بويىنشا حالىققا تەگىن قىزمەت كورسەتۋ ۇستىندە.
