Shymkent turǵyny Gúlzına Qojabekova «Men kásipker bolamyn» baǵdarlamasy arqyly óziniń jeke emhanasyn ashqan. Áıelderge arnalǵan jeńildetilgen nesıe bar ekenin esitip, «Shymkent» ÁKK» AQ-nyń kásipkerlerge arnalǵan fron-ofısine barady.
«Pandemııa kezinde biraz adam kásibin júrgize almaı qınalyp qaldy. Al, biz kerisinshe qıyn ýaqytta jumysymyzǵa kirisip, qanshama janǵa jańa ómir syıladyq. Áıelder kásipkerligin qoldaý maqsatynda 1 paıyzdyq jeńildetilgen nesıe baryn estip, front-ofıske keńes alýǵa bardym. Ondaǵylar 21-58 jastaǵy kásipkerlerge arnalǵan baǵdarlama ekenin túsindirip, qandaı qujattar kerektigin aıtty. Bul baǵdarlama biz sııaqty kásibin endi bastaǵandarǵa úlken kómek. Ózim qansha jyl qalalyq aýrýhanada gınekolog bolyp qyzmet atqardym. Jeke emhana ashý úlken armanym bolatyn. Atalmysh baǵdarlamanyń arqasynda emhanaǵa qajetti qural-jabdyqtardy alyp, qazirgi tańda 7 adamdy jumyspen qamtyp otyrmyn. Jumys jasaımyn degenge qazirgi tańda memleket tarapynan kóptegen kómek kórsetilýde. Tek qana alǵys bildiremin, - deıdi «Kojabekova JShS» jetekshisi Gúlzına Saıdýllaqyzy.
Emhana Nursat shaǵyn aýdanynda ornalasqan. Gınekologııalyq ortalyqta jatyr moıyny patologııasyn emdeıdi. Jańa ınnovaııalyq tehnologııalar arqyly aýrýdy der kezinde anyqtaýǵa múmkindik bar.
Memleket tarapynan qoldaý kórsetilip, jeńildikter qarastyrylǵandyqtan olar óz tarapynan memlekettik áleýmettik medıınalyq saqtandyrý baǵdarlamasy boıynsha halyqqa tegin qyzmet kórsetý ústinde.
