شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسى بيىل جىل باسىندا ىسكە قوسىلعان الەۋمەتتىك قىزمەتتەر پورتالى ارقىلى مۇمكىندىگى شەكتەۋلى ازاماتتارعا بەرىلەتىن تەحنيكالىق كومەكشى جانە ارناۋلى ءجۇرىپ-تۇرۋ قۇرالدارىمەن قامتاماسىز ەتۋ بويىنشا قىزمەت كورسەتەدى.
2021 جىلدىڭ شىلدەدەگى جاعداي بويىنشا مۇمكىندىگى شەكتەۋلى ازاماتتاردان 748 ءوتىنىم قابىلدانىپ، 585 مۇگەدەكتىگى بار ازامات قۇرالدارمەن قامتاماسىز ەتىلدى. ياعني، اتقارىلعان جۇمىستار 78,2 % پايىز كورسەتكىشكە جەتتى.
سونىمەن قاتار، تيفلوتەحنيكالىق قۇرالدارعا بiرiنشi جانە ەكiنشi توپتاعى مۇگەدەكتەر، مۇگەدەك بالالاردىڭ وڭالتۋدىڭ جەكە باعدارلاماسى نەگىزىندە 1221 ءوتىنىم قابىلدانىپ، ونىڭ 1051-ءى قۇرالدارمەن قامتاماسىز ەتىلدى. ياعني، اتقارىلعان جۇمىس - 86,1% پايىز.
كرەسلو-ارباعا مۇقتاج مۇگەدەكتەردەن 963 ءوتىنىم قابىلدانىپ، 803 قۇرال جەتكىزىلدى. مىندەتتى گيگيەنالىق قۇرالداردى قاجەت ەتەتىن مۇگەدەكتەردەن 8605 ءوتىنىم قابىلدانىپ، ونىڭ 7156-ى ورىندالدى.
اتالعان تەحنيكالىق كومەكشى قۇرالدار اعىمداعى جىلدىڭ باسىندا ىسكە قوسىلعان «الەۋمەتتىك قىزمەتتەر پورتالى» ارقىلى ىسكە اسىرىلۋدا.
– «الەۋمەتتىك قىزمەتتەر پورتالى» - مۇگەدەك تۇلعالارعا تىكەلەي جابدىقتاۋشىلاردان وڭالتۋ قۇرالدار مەن قىزمەتتەرىن ءوز ەركىمەن ساتىپ الۋعا مۇمكىندىك بەرەتىن اۆتوماتتاندىرىلعان جۇيە. پورتال ارقىلى تەك مەديتسينالىق الەۋمەتتىك ساراپتاما ءبولىمىنىڭ قورىتىندىسىمەن تاعايىندالعان جەكە وڭالتۋ باعدارلاماسى بار تۇلعالار ءتيىستى وڭالتۋ قۇرالدارىنا تاپسىرىس بەرە الادى، – دەيدى باسقارمانىڭ مۇمكىندىگى شەكتەۋلى ازاماتتارمەن جۇمىس ءبولىمىنىڭ باسشىسى مايرا كاريباەۆا.
شىمكەنت قالاسىندا 36 944 مۇمكىندىگى شەكتەۋلى جاندار تۇرادى. ونىڭ ىشىندە 1-ءشى توپتاعىلار سانى - 3 335, 2-ءشى توپتاعىلار سانى - 14 821, 3-توپتاعىلار سانى - 12 309, 18 جاسقا دەيىنگى مۇگەدەك بالا سانى - 6 479.
