Shymkent qalasy jumyspen qamtý jáne áleýmettik qorǵaý basqarmasy bıyl jyl basynda iske qosylǵan áleýmettik qyzmetter portaly arqyly múmkindigi shekteýli azamattarǵa beriletin tehnıkalyq kómekshi jáne arnaýly júrip-turý quraldarymen qamtamasyz etý boıynsha qyzmet kórsetedi.
2021 jyldyń shildedegi jaǵdaı boıynsha múmkindigi shekteýli azamattardan 748 ótinim qabyldanyp, 585 múgedektigi bar azamat quraldarmen qamtamasyz etildi. Iaǵnı, atqarylǵan jumystar 78,2 % paıyz kórsetkishke jetti.
Sonymen qatar, tıflotehnıkalyq quraldarǵa birinshi jáne ekinshi toptaǵy múgedekter, múgedek balalardyń ońaltýdyń jeke baǵdarlamasy negizinde 1221 ótinim qabyldanyp, onyń 1051-i quraldarmen qamtamasyz etildi. Iaǵnı, atqarylǵan jumys - 86,1% paıyz.
Kreslo-arbaǵa muqtaj múgedekterden 963 ótinim qabyldanyp, 803 qural jetkizildi. Mindetti gıgıenalyq quraldardy qajet etetin múgedekterden 8605 ótinim qabyldanyp, onyń 7156-y oryndaldy.
Atalǵan tehnıkalyq kómekshi quraldar aǵymdaǵy jyldyń basynda iske qosylǵan «Áleýmettik qyzmetter portaly» arqyly iske asyrylýda.
– «Áleýmettik qyzmetter portaly» - múgedek tulǵalarǵa tikeleı jabdyqtaýshylardan ońaltý quraldar men qyzmetterin óz erkimen satyp alýǵa múmkindik beretin avtomattandyrylǵan júıe. Portal arqyly tek medıınalyq áleýmettik saraptama bóliminiń qorytyndysymen taǵaıyndalǵan jeke ońaltý baǵdarlamasy bar tulǵalar tıisti ońaltý quraldaryna tapsyrys bere alady, – deıdi basqarmanyń múmkindigi shekteýli azamattarmen jumys bóliminiń basshysy Maıra Karıbaeva.
Shymkent qalasynda 36 944 múmkindigi shekteýli jandar turady. Onyń ishinde 1-shi toptaǵylar sany - 3 335, 2-shi toptaǵylar sany - 14 821, 3-toptaǵylar sany - 12 309, 18 jasqa deıingi múgedek bala sany - 6 479.
